កូនត្រីពូជចម្រុះចំនួន ២៨ ០០០កូន ត្រូវបានអាជ្ញាធរខេត្តមណ្ឌលគិរី លែងចូលទំនប់អូរតេធិបតី ដើម្បីរក្សាទុកនូវត្រីមេពូជសម្រាប់ពងកូន និងជាតំបន់ទេសចរណ៍ដ៏ទាក់ទាញ
ខេត្តមណ្ឌលគិរី ៖ អាងស្តុកទឹកទំនប់អូរតេធិបតី ជាប្រភពទឹកដ៏សំខាន់សម្រាប់ផ្គត់ផ្គង់ទឹកប្រើប្រាស់ធ្វើកសិកម្ម រក្សាទុកនូវត្រីមេពូជសម្រាប់ពងកូន ដែលផ្តល់ជាស្បៀងអាហារ ប្រាក់ចំណូលរបស់ប្រជាពលរដ្ឋដែលអាស្រ័យផលនេសាទ និងកសិកម្ម និងជាតំបន់ទេសចរណ៍ដ៏ទាក់ទាញ នាព្រឹកថ្ងៃទី២១ ខែកក្កដា ឆ្នាំ២០២៦ ឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត និងឯកឧត្តម គង់ គឹមនី អភិបាលនៃគណៈអភិបាលខេត្តមណ្ឌលគិរី បានអញ្ជើញក្នុងពិធីលែងកូនត្រី ចូលទំនប់អូរតេធិបតី។
