លោកស្រី វន់ ពៅ ត្រូវបានប្រកាសចូលកាន់មុខតំណែងជាអភិបាលរងស្រុកកញ្ជ្រៀច ខេត្តព្រៃវែង

ខេត្តព្រៃវែង៖ នាព្រឹកថ្ងៃទី១៥ ខែមិថុនា ឆ្នាំ២០២៦ រដ្ឋបាលស្រុកកញ្ជ្រៀច បានរៀបចំពិធីប្រកាសចូលកាន់មុខតំណែង លោកស្រី វន់ ពៅ អតីតអភិបាលរងស្រុកស៊ីធរកណ្ដាល ឱ្យមកកាន់មុខតំណែងថ្មីជា អភិបាលរង នៃគណៈអភិបាលស្រុកកញ្ជ្រៀច។ ពិធីនេះបានប្រព្រឹត្តទៅក្រោមអធិបតីភាព លោក អន ភារៈ អភិបាលរង នៃគណៈអភិបាលខេត្តព្រៃវែង ដែលជាតំណាងដ៏ខ្ពង់ខ្ពស់របស់ ឯកឧត្តម សួន សុម៉ាលីន អភិបាល នៃគណៈអភិបាលខេត្ត ដោយមានការចូលរួមពីមន្ត្រីរាជការ កងកម្លាំងប្រដាប់អាវុធ និងអាជ្ញាធរមូលដ្ឋានជាច្រើនរូប។