ប៉ៃលិន៖ យុវជនជាច្រើនរូបដែលកំពុងសិក្សាវគ្គបណ្តុះបណ្តាលបច្ចេកទេស និងវិជ្ជាជីវៈ (TVET) នៅមជ្ឈមណ្ឌលបណ្តុះបណ្តាលវិជ្ជាជីវៈខេត្តប៉ៃលិន បានសម្តែងនូវក្តីមោទនភាព និងក្តីសង្ឃឹមយ៉ាងមុតមាំ ចំពោះអនាគតរបស់ខ្លួន ក្នុងការទទួលបានចំណេះជំនាញពិតប្រាកដ និងឱកាសការងារល្អៗ ឆ្លើយតបនឹងតម្រូវការទីផ្សារការងារបច្ចុប្បន្ន។

(ភ្នំពេញ)៖ ក្រសួងអប់រំ យុវជន និងកីឡា បានបញ្ចេញលទ្ធផលប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ១០ សីហា ២០២៦ ដោយបង្ហាញថា បេក្ខជនប្រឡងជាប់មានសរុប ១២៥ ៩៧៥នាក់ ត្រូវជា ៨៤.០៦% នៃបេក្ខជនប្រឡងសរុប។ តួលេខនេះបង្ហាញថា អត្រាជាប់ឆ្នាំ២០២៦ ថយចុះ ០.៥០ពិន្ទុភាគរយ បើធៀបនឹងឆ្នាំ២០២៥ ដែលមានអត្រាជាប់ ៨៤.៥៦%។ ជាមួយគ្នានេះ ចំនួនបេក្ខជនទទួលបាន និទ្ទេស A ក៏ថយចុះគួរឱ្យកត់សម្គាល់ដែរ ដោយឆ្នាំ២០២៦ មានត្រឹម ២ ០២២នាក់ ខណៈឆ្នាំ២០២៥ មាន ៣ ០០៣នាក់ ពោលគឺថយចុះ ៩៨១នាក់ ឬប្រមាណ ៣២.៧%។

ប៉ៃលិន៖ ព្រះសិរីសង្គាមមុនី បណ្ឌិត យ៉ន កុសល្យ ព្រះបាលិមុនី បណ្ឌិត ហ៊ ហុង និងលោក ជិន សុខសាន្ត រួមដំណើរដោយលោក អ៊ុង ប៊ុននាថ ប្រធានស្តីទីនៃមន្ទីរធម្មការ និងសាសនាខេត្តប៉ៃលិន បានអញ្ជើញចុះធ្វើអធិការកិច្ចបច្ចេកទេសលើវិស័យពុទ្ធិកមធ្យមសិក្សា នៅសាលាពុទ្ធិកអនុវិទ្យាល័យសម្ដេច ហ៊ុន សែន ប៉ៃលិន ស្ថិតនៅភូមិវត្ត សង្កាត់ប៉ៃលិន ក្រុងប៉ៃលិន ខេត្តប៉ៃលិន នាព្រឹកថ្ងៃចន្ទ ៣រោច ខែស្រាពណ៍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៣១ ខែសីហា ឆ្នាំ២០២៦។

ប៉ៃលិន៖ នៅព្រឹកថ្ងៃអង្គារ ១២កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៥ ខែសីហា ឆ្នាំ២០២៦ លោក ង៉ែត ច័ន្ទរតនៈ ប្រធានការិយាល័យពុទ្ធិកសិក្សា និងបណ្ណាល័យ រួមជាមួយព្រះមេគណទាំងពីរគណៈ ខេត្តប៉ៃលិន បាននិមន្ត និងអញ្ជើញចុះស្រង់ស្ថិតិសមណសិស្ស និងសិស្សដោយផ្ទាល់ នៅសាលាពុទ្ធិកអនុវិទ្យាល័យ សម្តេច ហ៊ុន សែន ប៉ៃលិន ដែលមានទីតាំងស្ថិតនៅភូមិវត្ត សង្កាត់ប៉ៃលិន ក្រុងប៉ៃលិន ខេត្តប៉ៃលិន។

(ប៉ៃលិន)៖ ដើម្បីលើកកម្ពស់វិស័យអប់រំ និងផ្តល់កម្លាំងចិត្ត ដល់វីរយុទ្ធជនជួរមុខ នារសៀលថ្ងៃអាទិត្យ ៣កើត ខែស្រាពណ៍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី១៦ ខែសីហា ឆ្នាំ២០២៦ ព្រះសន្តិមហារតន៍មុនី សាន់ លី ព្រះមេគណគណៈធម្មយុត្តិកនិកាយខេត្តប៉ៃលិន បាននិមន្តជាព្រះអធិបតី ក្នុងពិធីប្រគេន និងជូនរង្វាន់លើកទឹកចិត្ត ដល់សមណសិស្ស លោកគ្រូ អ្នកគ្រូ និងទេយ្យទាន ជូនដល់គ្រួសារវីរកងទ័ព ដែលឈរជើងនៅតាមក្រវ៉ាត់ព្រំដែនចំនួន ៣១ គ្រួសារ នៅបរិវេណវត្តសន្តិមារាម (វត្តអូរច្រា) សង្កាត់ទួលល្វា ក្រុងប៉ៃលិន ខេត្តប៉ៃលិន ។ ពិធីនេះក៍មានការនិមន្ត និងអញ្ជើញចូលរួមពីព្រះសង្ឃ ,លោក គង់ សាវៀង អនុប្រធាន មន្ទីរធម្មការ និងសាសនាខេត្តប៉ៃលិន ,លោកជំទាវ ឧកញ៉ាអគ្គមហាឧបាសិកាពុទ្ធសាសនូបត្ថម្ភក៍ ស៉ំ ហៀង ,សមណសិស្ស លោកគ្រូ អ្នកគ្រូ គ្រួសារកងទ័ព និងពុទ្ធបរិស័ទ្ធ ជាច្រើនអង្គ/នាក់ ។

(ប៉ៃលិន)៖ ព្រឹកថ្ងៃទី១៤ ខែសីហា ឆ្នាំ២០២៦ នៅលេខាធិការដ្ឋានរៀបចំការបោះឆ្នោតខេត្តប៉ៃលិន (ល.ខ.ប ប៉ៃលិន) បានរៀបចំ ដំណើរការប្រឡងជ្រើសរើសមន្ត្រីជាប់កិច្ចសន្យារយៈពេលខ្លី ដើម្បីបម្រើការងារក្នុងដំណើរការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៦។ ការប្រឡងនេះត្រូវបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្ដម មាន សទិ សមាជិកគណៈកម្មាធិការជាតិរៀបចំការបោះឆ្នោត (គ.ជ.ប) និងជាប្រធានក្រុមការងារដឹកនាំ និងត្រួតពិនិត្យការប្រឡង និង លោក ស៊ិន ដារ៉ា ប្រធានអនុគណៈកម្មការរៀបចំការប្រឡងថ្នាក់ខេត្ត និងជាប្រធាន ល.ខ.ប ប៉ៃលិន។ គោលបំណងនៃការប្រឡងជ្រើសរើស មន្ត្រីកិច្ចសន្យារយៈពេលខ្លី គឺដើម្បីបម្រើការងារ លើការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៦ ឱ្យប្រព្រឹត្តទៅដោយរលូន ត្រឹមត្រូវ និងទាន់ពេលវេលា តាមប្រតិទិនការងាររបស់ គ.ជ.ប។ និងដើម្បីបំពេញការងារបច្ចេកទេស និងរដ្ឋបាលនៅ ល.ខ.ប ប៉ៃលិន ដែលមានសមត្ថភាព តម្លាភាព និងភាពស្មោះត្រង់ ។