ព័ត៌មានតាមបណ្តារខេត្ត

អភិបាលខេត្តកំពង់ចាម ដឹកនាំប្រតិភូចុះសួរសុខទុក្ខ និងនាំយកអំណោយជូនកងកម្លាំងនគរបាលជាតិប្រចាំទិសភូមិភាគទី៤ ក្នុងឱកាសពិធីបុណ្យកាន់បិណ្ឌ-ភ្ជុំបិណ្ឌ ‎

កំពង់ចាម៖ នៅព្រឹកថ្ងៃចន្ទ ៩រោច ខែភទ្របទ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៥ ខែតុលា ឆ្នាំ២០២៦ វេលាម៉ោង ៧:០០នាទីព្រឹក ថ្នាក់ដឹកនាំ និងមន្ត្រីរាជការនៃមន្ទីរសុខាភិបាលខេត្តកំពង់ចាម បានគោរពទង់ជាតិនៃព្រះរាជាណាចក្រកម្ពុជា ប្រចាំដើមសប្ដាហ៍។

កូនត្រីចម្រុះទម្ងន់ ១១៥គីឡូ បានលែងចូលបឹងធម្មជាតិវិញ និងឧបករណ៍ល្មើសនេសាទជាច្រើន ត្រូវបានជំនាញជលផលបំផ្លាញចោល នាពេលមន្ត្រីជំនាញខណ្ឌរដ្ឋបាលជលផល នៃមន្ទីរកសិកម្ម រុក្ខាប្រមាញ់ និងនេសាទខេត្តកំពង់ចាម សហការជាមួយអាជ្ញាធរស្រុកបាធាយ និងកម្លាំងប៉ុស្តិ៍នគរបាលរដ្ឋបាលច្បារអំពៅ បានចុះប្រតិបត្តិការត្រួតពិនិត្យ និងបង្រ្កាបបទល្មើសជលផល ចំនួន ៣ករណី នៃទីតាំងផ្សេងៗគ្នា នៃភូមិសាស្រ្តស្រុកបាធាយ ខេត្តកំពង់ចាម ។

កំពង់ចាម៖ អនុគណៈកម្មការពិធីការ និងបដិសណ្ឋារកិច្ច នៃគណៈកម្មការរៀបចំពិធីប្រណាំងទូក «ង» ទូកខ្នាតអន្តរជាតិ បណ្តែតប្រទីប តាំងពិព័រណ៍សមិទ្ធផល និងអុចកាំជ្រួច ខេត្តកំពង់ចាម បានបើកកិច្ចប្រជុំពិភាក្សា និងរៀបចំផែនការសកម្មភាព ដើម្បីត្រៀមលក្ខណៈសម្រាប់ព្រឹត្តិការណ៍ នាឱកាសបុណ្យចេញព្រះវស្សា នាពេលខាងមុខ។

(កំពង់ចាម)៖ នៅថ្ងៃទី៤ ខែតុលា ឆ្នាំ២០២៦ សម្តេចវិបុលសេនាភក្តី សាយ ឈុំ សមាជិកឧត្តមប្រឹក្សាផ្ទាល់ព្រះមហាក្សត្រ រួមដំណើរដោយ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានអញ្ជើញដឹកនាំប្រារព្ធពិធីកាន់បិណ្ឌវេនទី៨ នៅក្នុងវត្តវិសុទ្ធិវង្សា (ហៅវត្តកណ្តាលកោះសូទិន) ស្ថិតក្នុងឃុំកោះសូទិន ស្រុកកោះសូទិន ខេត្តកំពង់ចាម។

(ឧត្តរមានជ័យ) នៅថ្ងៃទី៣ ខែតុលា ឆ្នាំ២០២៦ បន្ទាប់ពីបានបញ្ចប់បេសកកម្ម នៅខេត្តព្រះវិហារ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ព្រមទាំងប្រតិភូអមដំណើរ និងសប្បុរសជនក្នុងខេត្ត បានបន្តបេសកកម្មនាំយកអំណោយសប្បុរសធម៌ និងថវិកា ទៅសួរសុខទុក្ខ និងលើកទឹកចិត្តដល់កងទ័ពជួរមុខបន្ថែមទៀត ដែលកំពុងឈរជើងបំពេញភារកិច្ចការពារព្រំដែន ស្ថិតក្នុងស្រុកអន្លង់វែង ខេត្តឧត្តរមានជ័យ។

(​ព្រះវិហារ)៖ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម នៅព្រឹកថ្ងៃទី៣ ខែតុលា ឆ្នាំ២០២៦ បានដឹកនាំប្រតិភូខេត្ត អញ្ជើញចុះជួបសំណេះសំណាល សាកសួរសុខទុក្ខ និងនាំយកអំណោយ សម្ភារៈប្រើប្រាស់ ព្រមទាំងថវិកាមួយចំនួន ទៅចែកជូនកងកម្លាំងនគរបាលជាតិប្រចាំទិសភូមិភាគទី៤ ស្ថិតក្នុងខេត្តព្រះវិហារ ដើម្បីរួមចំណែកលើកទឹកចិត្តដល់កងកម្លាំងដែលកំពុងបំពេញភារកិច្ចការពារបូរណភាពទឹកដីតាមបណ្តោយព្រំដែនកម្ពុជា-ថៃ។

ខេត្តកំពង់ចាម៖ នារសៀល ថ្ងៃព្រហស្បតិ៍ ទី១ ខែតុលា ឆ្នាំ២០២៦ លោកជំទាវ ប៉ាង ដានី អនុប្រធានអចិន្ត្រៃយ៍សាខាកាកបាទក្រហមកម្ពុជាខេត្តកំពង់ចាម រួមជាមួយលោកស្រីនាយិការងសាខា លោកស្រីសមាជិកគណៈកម្មាធិការសាខា និងក្រុមការងារសាខា បានអញ្ជើញ ចុះសួរសុខទុក្ខ និងនាំយកអំណោយមនុស្សធម៌ ជូនលោក យោក ភី នាយកស្ដីទីសាខាកាកបាទក្រហមកម្ពុជាខេត្ត ដែលកំពុងសម្រាកស្តារសុខភាពនៅគេហដ្ឋាន បន្ទាប់ពីទទួលការព្យាបាលជំងឺរលាកសួត និងលើសសម្ពាធឈាម ពីមន្ទីរពេទ្យរួចមក។

កំពង់ចាម : នៅថ្ងៃទី ០២ ខែតុលា ឆ្នាំ ២០២៦ នេះ កម្លាំងការិយាល័យនគរបាលសណ្តាប់ធ្នាប់ របស់ស្នងការដ្ឋាននគរបាលខេត្តកំពង់ចាម បានសហការជាមួយអាជ្ញាធរក្រុងកំពង់ចាម បន្តចុះរៀបចំសណ្ដាប់ធ្នាប់ និងផ្សព្វផ្សាយ ដល់អាជីវករលក់ដូរ នៅគោលដៅផ្សារបឹងកុក ក្នុងក្រុងកំពង់ចាម ។

(កំពង់ចាម) ដើម្បីធានាបាននូវសំណង់រឹងមាំប្រើប្រាស់យូរអង្វែងប្រកបដោយសុវត្ថិភាព គុណភាព និងមានច្បាប់សាងសង់ត្រឹមត្រូវតាមច្បាប់នោះ ស្ថិតនៅមន្ទីររៀបចំដែនដី នគរូបនីយកម្ម និងសំណង់ខេត្តកំពង់ចាមបានបើកវគ្គផ្សព្វផ្សាយលិខិតបទដ្ឋានគតិយុត្ត និងបណ្តុះបណ្តលពីបច្ចេកទេសផ្សេងៗជូនដល់រដ្ឋបាលស្រុក/ក្រុង ឃុំ/សង្កាត់ និងក្រុមជាងសំណង់មកពីស្រុកចំនួន៦ក្នុងខេត្តកំពង់ចាម ដើម្បីធ្វើយ៉ាងណាបញ្ជ្រាបការយល់ដឹងផ្សេងៗដល់ក្រុមជាងទទួលម៉ៅការសំណង់ក្នុងខេត្តកំពង់ចាមឲ្យពួកគាត់គោរពច្បាប់ដោយត្រូវមានមានអជ្ញាប័ណ្ណជាង ចំណែកម្ចាស់សំណង់នានាត្រូវធ្វើច្បាប់អនុញ្ញាតសាងសង់ត្រឹមត្រូវ មុនដំណើរការសាងសង់។

(ពោធិ៍សាត់) នាព្រឹកថ្ងៃព្រហស្បតិ៍ ៥រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១ ខែតុលា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញចូលរួមពិធីសម្ពោធបើកឱ្យប្រើប្រាស់ជាផ្លូវការ ផ្លូវជាតិលេខ១០ ប្រវែងសរុប ១៩៨,៥១៨ គ.ម. ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ស្ថិតនៅភូមិប្រម៉ោយ ឃុំប្រម៉ោយ ស្រុកវាលវែង ខេត្តពោធិ៍សាត់។

នាថ្ងៃទី២៩ ខែកញ្ញា ឆ្នាំ២០២៦ ខណ្ឌរដ្ឋបាលជលផលកំពង់ចាម សហការជាមួយអាជ្ញាធរស្រុកព្រៃឈរ និងកម្លាំងប៉ុស្តិ៍នគរបាលរដ្ឋបាលសំរោង បានចុះប្រតិបត្តិការត្រួតពិនិត្យ និងបង្រ្កាបបទល្មើសជលផលចំនួន ២ករណី នៅក្នុងភូមិសាស្ត្រស្រុកព្រៃឈរ ខេត្តកំពង់ចាម ដោយលែងកូនត្រីចម្រុះទម្ងន់ ៦១គីឡូក្រាម ចូលក្នុងបឹងធម្មជាតិវិញ ។