ព័ត៌មានតាមបណ្តារខេត្ត
ទាំងអស់មន្ទីរព័ត៌មានខេត្តកណ្តាលមន្ទីរព័ត៌មានខេត្តកំពង់ចាមមន្ទីរព័ត៌មានខេត្តកំពង់ឆ្នាំងមន្ទីរព័ត៌មានខេត្តកំពង់ធំមន្ទីរព័ត៌មានខេត្តកំពង់ស្ពឺមន្ទីរព័ត៌មានខេត្តកំពតមន្ទីរព័ត៌មានខេត្តកោះកុងមន្ទីរព័ត៌មានខេត្តបន្ទាយមានជ័យមន្ទីរព័ត៌មានខេត្តបាត់ដំបងមន្ទីរព័ត៌មានខេត្តពោធិ៍សាត់មន្ទីរព័ត៌មានខេត្តព្រៃវែងមន្ទីរព័ត៌មានខេត្តព្រះវិហារមន្ទីរព័ត៌មានខេត្តព្រះសីហនុមន្ទីរព័ត៌មានខេត្តមណ្ឌលគិរីមន្ទីរព័ត៌មានខេត្តរតនគិរីមន្ទីរព័ត៌មានខេត្តសៀមរាបមន្ទីរព័ត៌មានខេត្តស្ទឹងត្រែងមន្ទីរព័ត៌មានខេត្តឧត្តរមានជ័យមន្ទីរព័ត៌មានរាជធានីភ្នំពេញ
សកម្មភាពថ្នាក់ដឹកនាំ
គណៈកម្មាធិការជាតិរៀបចំការបោះឆ្នោត រៀបចំវគ្គអប់រំផ្សព្វផ្សាយ និងបញ្ច្រាបការយល់ដឹងស្តីពី សារៈសំខាន់នៃការបោះឆ្នោតនៅកម្ពុជា” ជូនដល់តំណាងគណបក្សនយោបាយ សមាគម អង្គការមិនមែនរដ្ឋាភិបាល់ និងភាគីពាក់ព័ន្ធតាមក្រុង-ស្រុក
លោក ខ្លូត ចិន្តា អភិបាលរងខេត្ត បានអញ្ជើញចូលរួមក្នុងពិធីបើកវគ្គអប់រំ ផ្សព្វផ្សាយ និងបញ្ច្រាបការយល់ដឹងស្តីពី សារៈសំខាន់នៃការបោះឆ្នោតនៅកម្ពុជា” ជូនដល់តំណាងគណបក្សនយោបាយសមាគម អង្គការមិនមែនរដ្ឋាភិបាល់ និងភាគីពាក់ព័ន្ធតាមក្រុង-ស្រុក ក្រោមអធិបតីភាព ឯកឧត្តម ម៉ុក ដារ៉ា អគ្គលេខាធិការរង គណៈកម្មាធិការជាតិរៀបចំការបោះឆ្នោត តំណាងដ៏ខ្ពង់ខ្ពស់ ឯកឧត្តម ប្រាជ្ញ ចន្ទ ប្រធានគណៈកម្មាធិការជាតិរៀបចំការបោះឆ្នោត នាថ្ងៃ២៩ ខែកញ្ញា ឆ្នាំ២០២៦ នៅសាលប្រជុំសាលាខេត្ត ដោយមានការអញ្ជើញចូលរួមពី លោកប្រធានលេខាធិកាដ្ឋានរៀបចំការបោះឆ្នោតខេត្តកំពង់ចាម កងកម្លាំងទាំង3តំណាងក្រុង/ស្រុក ទាំង10 លោក លោកស្រី តំណាងគណបក្សនយោបាយ អង្គការ សមាគម ក្រុមប្រឹក្សាសង្កាត់ នាយប៉ុស្តិ៍រដ្ឋបាលសង្កាត់ទាំង៤ មន្ត្រីលេខាធិការដ្ឋាន និងសិស្ស និស្សិត ។
សកម្មភាពថ្នាក់ដឹកនាំ
រដ្ឋបាលខេត្តកំពង់ចាម ត្រៀមរៀបចំពិធីប្រណាំងទូក«ង»ទូកខ្នាតអន្តរជាតិ តាំងពិព័រណ៍ និងអុចកាំជ្រួច នាឱកាសបុណ្យ ចេញព្រះវស្សា
កំពង់ចាម)៖ នាព្រឹកថ្ងៃទី២៩ ខែកញ្ញា ឆ្នាំ២០២៦ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញដឹកនាំកិច្ចប្រជុំគណៈកម្មការរៀបចំពិធីប្រណាំងទូក «ង» ទូកខ្នាតអន្តរជាតិ បណ្តែតប្រទីប តាំងពិព័រណ៍សមិទ្ធផល និងអុចកាំជ្រួច ដើម្បីពិភាក្សា និងរៀបចំផែនការការងារឱ្យដំណើរការទៅដោយរលូន សុវត្ថិភាព និងកាន់តែអធិកអធម ក្នុងឱកាសបុណ្យចេញព្រះវស្សា នាពេលខាងមុខ នៅក្រុងកំពង់ចាម។
សកម្មភាពថ្នាក់ដឹកនាំ
រដ្ឋបាលខេត្តកំពង់ចាម និងមន្ទីរអង្គភាពពាក់ព័ន្ធ ជួបពិភាក្សាជាមួយក្រុមការងារ អង្គការសង្រ្គោះកុមារអន្តរជាតិ អំពីគម្រោង ស្តីពី ការលើកកម្ពស់ ការត្រៀមបង្ការ ការគ្រប់គ្រងគ្រោះមហន្តរាយ និងប្រព័ន្ធប្រកាសអោយដឹងជាមុន
នៅសាលាខេត្តកំពង់ចាម ព្រឹកថ្ងៃ ២៨ ខែកញ្ញា ឆ្នាំ២០២៦ រដ្ឋបាលខេត្តកំពង់ចាម និងមន្ទីរអង្គភាពពាក់ព័ន្ធ ដឹកនាំដោយលោក នួន ណុយ នាយករងរដ្ឋបាលសាលាខេត្តកំពង់ចាម និងជាលេខាធិការគណកម្មាធិការខេត្តគ្រប់គ្រងគ្រោះមហន្តរាយ ជាប្រធានអង្គប្រជុំ បានជួបពិភាក្សាជាមួយក្រុមការងារ អង្គការសង្រ្គោះកុមារអន្តរជាតិ អំពីគម្រោង ស្តីពី ការលើកកម្ពស់ ការត្រៀមបង្ការ ការគ្រប់គ្រងគ្រោះមហន្តរាយ និងប្រព័ន្ធប្រកាសអោយដឹងជាមុន ដែលដឹកនាំដោយលោក តុន គន្ធែល អ្នកសម្របសម្រួលគម្រោង ប្រចាំប្រទេសកម្ពុជា និងលោក ចិត្ត បាហាដូ តាមាង (chet bahadue tamang) អ្នកគ្រប់គ្រងកម្មវិធីប្រចាំតំបន់។
សកម្មភាពថ្នាក់ដឹកនាំ
អភិបាលខេត្តកំពង់ចាម អញ្ជើញជួបសាវនាការការងារជាមួយប្រតិភូខេត្ត Gyeonggi សាធារណៈរដ្ឋកូរ៉េ
(កំពង់ចាម) នារសៀលថ្ងៃទី២៨ ខែកញ្ញា ឆ្នាំ២០២៦ នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម អញ្ជើញជួបសាវនាការការងារជាមួយប្រតិភូខេត្ត Gyeonggi សាធារណៈរដ្ឋកូរ៉េ ស្ថិតនៅសាលាខេត្តកំពង់ចាម ដោយមានការចូលរួមពីសំណាក់ អភិបាលរងខេត្ត នាយករដ្ឋបាល និងថ្នាក់ដឹកនាំមន្ទីរ-អង្គភាពពាក់ព័ន្ធមួយចំនួន។
សុខាភិបាល
មន្ទីរពេទ្យបង្អែកខេត្តកំពង់ចាម ប្រារព្ធពិធីអបអរសាទរទិវាពិភពលោកសុវត្ថិភាពអ្នកជំងឺ ឆ្នាំ២០២៦ ក្រោមប្រធានបទ «សុវត្ថិភាពនៃការថែទាំសម្រាប់អ្នកជំងឺមិនឆ្លង»
កំពង់ចាម៖ នារសៀលថ្ងៃទី២៨ ខែកញ្ញា ឆ្នាំ២០២៦ នៅមន្ទីរពេទ្យបង្អែកខេត្តកំពង់ចាម បានប្រារព្ធពិធីអបអរសាទរទិវាពិភពលោកសុវត្ថិភាពអ្នកជំងឺ ឆ្នាំ២០២៦ ក្រោមប្រធានបទ «សុវត្ថិភាពនៃការថែទាំសម្រាប់អ្នកជំងឺមិនឆ្លង» ក្រោមអធិបតីភាពដ៏ខ្ពង់ខ្ពស់ លោក ឃន ប្រុស អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម។
សកម្មភាពថ្នាក់ដឹកនាំ
អភិបាលរងខេត្តកំពង់ចាម ចុះសួរសុខទុក្ខ និងនាំយកអំណោយជូនដល់ក្រុមជនមានពិការភាព ចំនួន ៧ក្រុម នៅស្រុកព្រៃឈរ និងស្រុកបាធាយ
នាថ្ងៃចន្ទ ទី២៨ ខែកញ្ញា ឆ្នាំ២០២៦ លោកជំទាវ ប៉ាង ដានី អភិបាលរងខេត្ត និងជាប្រធានក្រុមប្រឹក្សាសកម្មភាពជនពិការខេត្ត បានដឹកនាំក្រុមការងារចុះសួរសុខទុក្ខ និងនាំយកអំណោយថវិកា ឧបត្ថម្ភជូនដល់ក្រុមជួយខ្លួនឯងនៃជនមានពិការភាព និងសហគមន៍ផលិតសាប៊ូលាងចាន សរុបចំនួន ៧ក្រុម នៅក្នុងស្រុកព្រៃឈរ និងស្រុកបាធាយ។
សកម្មភាពថ្នាក់ដឹកនាំ
គណៈកម្មាធិការរៀបចំដែនដីថ្នាក់ខេត្ត បើកកិច្ចប្រជុំធ្វើបច្ចុប្បន្នភាពអចលនទ្រព្យ និងពិនិត្យការងារគ្រប់គ្រងដីធ្លីនៅទូទាំងខេត្តកំពង់ចាម
(កំពង់ចាម)៖ នាព្រឹកថ្ងៃទី២៨ ខែកញ្ញា ឆ្នាំ២០២៦ នៅសាលប្រជុំសាលាខេត្តកំពង់ចាម ឯកឧត្តម អ៊ុន ចាន់ដា អភិបាល នៃគណៈអភិបាលខេត្ត និងឯកឧត្តម ខ្លូត ផន ប្រធានក្រុមប្រឹក្សាខេត្ត បានអញ្ជើញដឹកនាំកិច្ចប្រជុំគណៈកម្មាធិការរៀបចំដែនដី និងនគរូបនីយកម្មថ្នាក់ខេត្ត ដើម្បីពិនិត្យ និងធ្វើបច្ចុប្បន្នភាពអចលនទ្រព្យរដ្ឋ និងការងារគ្រប់គ្រងដីធ្លីនៅទូទាំងខេត្តកំពង់ចាម។
សកម្មភាពថ្នាក់ដឹកនាំ
អភិបាលរងខេត្តកំពង់ចាម ដឹកនាំកិច្ចប្រជុំបូកសរុបលទ្ធផលការងារ និងត្រៀមដំណើរការផ្តល់ជ័យលាភី «ភូមិ-ឃុំ-សង្កាត់មានសុវត្ថិភាព»
កំពង់ចាម៖ នាព្រឹកថ្ងៃទី២៨ ខែកញ្ញា ឆ្នាំ២០២៦ លោក ខ្លួត ចិន្តា អភិបាលរងនៃគណៈអភិបាលខេត្តកំពង់ចាម និងជាប្រធានលេខាធិការដ្ឋាន តំណាងឯកឧត្តម អ៊ុន ចាន់ដា អភិបាលខេត្ត បានដឹកនាំកិច្ចប្រជុំបូកសរុបលទ្ធផលការងារប្រចាំខែកញ្ញា និងពិនិត្យដំណើរការផ្តល់ជ័យលាភីនៃការអនុវត្តគោលនយោបាយ «ភូមិ-ឃុំ-សង្កាត់មានសុវត្ថិភាព» និងសេវាសង្គម ឆ្នាំ២០២៦ នៅសាលប្រជុំតូចសាលាខេត្តកំពង់ចាម។
សកម្មភាពថ្នាក់ដឹកនាំ
អភិបាលខេត្តកំពង់ចាម អញ្ជើញចូលរួមរំលែកទុក្ខ និងគោរពវិញ្ញាណក្ខន្ធឧបាសក សេង ពោន អតីតសមាជិកក្រុមប្រឹក្សាខេត្តកំពង់ចាម អាណត្តិទី៣
(កំពង់ចាម) នាព្រឹកថ្ងៃអាទិត្យ ទី២៧ ខែកញ្ញា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ព្រមទាំងថ្នាក់ដឹកនាំ មន្ត្រីរាជការ មន្ទីរ-អង្គភាពជុំវិញខេត្ត បានអញ្ជើញចូលរួមរំលែកទុក្ខ និងគោរពវិញ្ញាណក្ខន្ធសពឧបាសក សេង ពោន អតីតសមាជិកក្រុមប្រឹក្សាខេត្តកំពង់ចាម អាណត្តិទី៣ ត្រូវជាឪពុកក្មេករបស់លោកវេជ្ជបណ្ឌិត ណែម ប៊ុនធឿន បុគ្គលិកមន្ទីរសុខាភិបាល នៃរដ្ឋបាលខេត្តកំពង់ចាម ដែលបានទទួលមរណភាពកាលពីថ្ងៃទី២៦ ខែកញ្ញា ឆ្នាំ២០២៦ ក្នុងជន្មាយុ៨១ឆ្នាំ ដោយជរាពាធ ស្ថិតនៅគេហដ្ឋាន សង្កាត់កំពង់ចាម ក្រុងកំពង់ចាម។
សកម្មភាពថ្នាក់ដឹកនាំ
អភិបាលខេត្តកំពង់ចាម ដឹកនាំមន្ត្រីរាជការ ចូលរួមពិធីកាន់បិណ្ឌវេនទី១ នៅវត្តភ្នំហាន់ជ័យ ស្រុកកំពង់សៀម
(កំពង់ចាម)៖ នៅព្រឹកថ្ងៃទី២៧ ខែកញ្ញា ឆ្នាំ២០២៦ ឯកឧត្តម អ៊ុន ចាន់ដា អភិបាលខេត្តកំពង់ចាម បានដឹកនាំមន្ត្រីរាជការ នាំយកទេយ្យវត្ថុ ចង្ហាន់ និងបច្ច័យ ទៅប្រគេនព្រះសង្ឃ និងចូលរួមជាមួយពុទ្ធបរិស័ទ ក្នុងពិធីបុណ្យកាន់បិណ្ឌវេនទី១ នៅវត្តចន្ទគីរី ហៅវត្តភ្នំហាន់ជ័យ ស្ថិតក្នុងឃុំហាន់ជ័យ ស្រុកកំពង់សៀម ខេត្តកំពង់ចាម។
សកម្មភាពថ្នាក់ដឹកនាំ
រដ្ឋបាលខេត្តកំពង់ចាម សហការជាមួយក្រុមហ៊ុន Ganzberg រៀបចំពិធីលែងកូនត្រី ២០ម៉ឺនក្បាល នៅទំនប់ជ្រោយចេក ស្រុកកំពង់សៀម
(កំពង់ចាម)៖ នាព្រឹកថ្ងៃទី២៧ ខែកញ្ញា ឆ្នាំ២០២៦ នេះ រដ្ឋបាលខេត្តកំពង់ចាម បានរៀបចំពិធីលែងកូនត្រី និងមេពូជចំនួន ២០ម៉ឺនក្បាល ចូលទៅក្នុងប្រភពទឹកធម្មជាតិ ស្ថិតនៅទីតាំងទំនប់ជ្រោយចេក ក្នុងឃុំស្រក ស្រុកកំពង់សៀម។ ព្រឹត្តិការណ៍ដ៏នេះ ទទួលបានការឧបត្ថម្ភ និងគាំទ្រពីក្រុមហ៊ុន Ganzberg ក្នុងគោលបំណងលើកកម្ពស់ការអភិរក្សធនធានជលផល និងបង្កើនបរិមាណត្រីធម្មជាតិ។
សកម្មភាពអាជ្ញាធរ
ថ្នាក់ដឹកនាំខេត្តកំពង់ចាម អញ្ជើញចូលរួមកម្មវិធីបុណ្យទក្ខិណានុប្បទានខួបគម្រប់ ៧ថ្ងៃ និង ១០០ថ្ងៃ ឧទ្ទិសកុសលដល់ដួងវិញ្ញាណក្ខន្ធឧបាសក សាយ អឿន
នារសៀលថ្ងៃសុក្រ ទី២៥ ខែកញ្ញា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និង ឯកឧត្តម ខ្លូត ផន ប្រធានក្រុមប្រឹក្សាខេត្ត ព្រមទាំងសហការី បានអញ្ជើញចូលរួមក្នុង កម្មវិធីបុណ្យទក្ខិណានុប្បទានខួបគម្រប់ ៧ថ្ងៃ និង ១០០ថ្ងៃ ដើម្បីឧទ្ទិសកុសលដល់វិញ្ញាណក្ខន្ធសព ឧបាសក សាយ អឿន ត្រូវជាឪពុកក្មេករបស់ឯកឧត្តមបណ្ឌិត មុត ខៀវ ទីប្រឹក្សាផ្ទាល់សម្ដេចតេជោ ហ៊ុន សែន ប្រធាន ព្រឹទ្ធសភានៃព្រះរាជាណាចក្រកម្ពុជា និងជារដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា ដែលបានទទួលមរណភាពនៅថ្ងៃអាទិត្យ ៩កើត ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២០ ខែកញ្ញា ឆ្នាំ២០២៦ វេលាម៉ោង ១៤:២៥នាទី ក្នុងជន្មាយុ ៩៩ឆ្នាំ ដោយជរាពាធ។
សកម្មភាពថ្នាក់ដឹកនាំ
អភិបាលខេត្តកំពង់ចាម អញ្ជើញចូលរួមពិធីបិទសន្និសីទអន្តរជាតិ ស្ដីពីការប្រយុទ្ធប្រឆាំងបទល្មើសតាមប្រព័ន្ធបច្ចេកវិទ្យា ឆ្នាំ២០២៦ ក្រោមមូលបទ «រួមគ្នាឆ្ពោះទៅកាត់ផ្ដាច់ច្រវាក់ និងបញ្ចប់ការឆបោកតាមប្រព័ន្ធបច្ចេកវិទ្យា»
(រាជធានីភ្នំពេញ)៖ នាព្រឹកថ្ងៃព្រហស្បតិ៍ ១៣កើត ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៤ ខែកញ្ញា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញចូលរួមក្នុងពិធីបិទសន្និសីទអន្តរជាតិ ស្ដីពីការប្រយុទ្ធប្រឆាំងបទល្មើសតាមប្រព័ន្ធបច្ចេកវិទ្យា ឆ្នាំ២០២៦ ក្រោមមូលបទ «រួមគ្នាឆ្ពោះទៅកាត់ផ្ដាច់ច្រវាក់ និងបញ្ចប់ការឆបោកតាមប្រព័ន្ធបច្ចេកវិទ្យា» ក្រោមអធិបតីភាព ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្ត្រី និងជាអនុប្រធានគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា តំណាងដ៏ខ្ពង់ខ្ពស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ស្ថិតនៅសណ្ឋាគារសូហ្វីតែល ភ្នំពេញ ភូគីត្រា៕