Provincial News

សម្តេចមហាបវរធិបតី ហ៊ុន ម៉ាណែត លើកឡើងពីគម្រោងពង្រីកការដាក់អំពូលសូឡានៅតាម ដងផ្លូវប្រវែង ១ ២០០គីឡូម៉ែត្រ ក្នុង ១៣រាជធានី-ខេត្ត ក្នុងទំហំថវិកា ៦លានដុល្លារ។

(ប៉ៃលិន)៖ នាព្រឹកថ្ងៃទី ៣០ ខែកញ្ញា ឆ្នាំ ២០២៦ នៅមន្ទីរអភិវឌ្ឍន៍ជនបទខេត្តប៉ៃលិន មានរៀបចំកិច្ចប្រជុំប្រចាំត្រីមាសទី៣ ឆ្នាំ ២០២៦ ក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទ(PTWG-RWSSH) ស្ថិតក្រោមអធិបតីភាពលោក រស់ នឿន អភិបាលរងខេត្ត តំណាងដ៏ខ្ពង់ខ្ពស់លោកជំទាវបណ្ឌិត បាន ស្រីមុំ អភិបាលខេត្តប៉ៃលិន ព្រមទាំងមានការអញ្ជើញចូលរួមពីលោកអនុប្រធានមន្ទីរអភិវឌ្ឍន៍ជនបទ អភិបាលរងក្រុង-ស្រុក លោក-លោកស្រីអនុប្រធានមន្ទីរពាក់ព័ន្ធ ក្រុមប្រឹក្សាឃុំ-សង្កាត់ទាំង ៨ និងអង្គការដៃគូអភិវឌ្ឍន៍ សរុបចំនួន ៤២នាក់។

ក្រុមការងារបច្ចេកទេសនៃមន្ទីរសាធារណការ និងដឹកជញ្ជូនខេត្តប៉ៃលិន កាលពីថ្ងៃទី២៩ ខែកញ្ញា ឆ្នាំ២០២៦ បានចុះអនុវត្តការងារថែទាំផ្លូវ និងថែទាំជាប្រចាំលើកំណាត់ផ្លូវខេត្តសំខាន់ៗចំនួន ២ខ្សែ ក្នុងស្រុកសាលាក្រៅ ដើម្បីពង្រឹងគុណភាពហេដ្ឋារចនាសម្ព័ន្ធផ្លូវថ្នល់ ធានាការតភ្ជាប់ចរាចរណ៍ និងបង្កលក្ខណៈងាយស្រួលដល់ការធ្វើដំណើរ ក៏ដូចជាការដឹកជញ្ជូនកសិផលរបស់ប្រជាពលរដ្ឋក្នុងមូលដ្ឋាន។

(ប៉ៃលិន)៖ លោក ញ៉ឹប បូរី ប្រធានមន្ទីរព័ត៌មានខេត្តប៉ៃលិន បានអញ្ជើញជាអធិបតីក្នុងពិធីប្រគល់កុំព្យូទ័រចំនួន ២គ្រឿង ដែលជាអំណោយដ៏ថ្លៃថ្លារបស់ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ជូនដល់ការិយាល័យទីភ្នាក់ងារសារព័ត៌មានកម្ពុជា (AKP) នៃមន្ទីរព័ត៌មានខេត្តប៉ៃលិន ដើម្បីឆ្លើយតបទៅនឹងតម្រូវការជាក់ស្តែងក្នុងការបំពេញភារកិច្ចប្រចាំថ្ងៃ។

យោងតាមលិខិតលេខ៨៣៣៦ នបអ របស់អគ្គិសនីកម្ពុជា ការផ្អាកនេះ នឹងត្រូវធ្វើឡើង នៅយប់ថ្ងៃទី២៦ ខែកញ្ញា ឆ្នាំ២០២៦ វេលាម៉ោង ២២:០០ នាទីយប់ ដល់ម៉ោង ០៣:០០ នាទីរំលង អធ្រាត្រ ឈានចូលថ្ងៃទី២៧ ខែកញ្ញា ឆ្នាំ២០២៦ និង នៅថ្ងៃទី២៧ ខែកញ្ញា ឆ្នាំ២០២៦ ចាប់ពីម៉ោង ១០:០០ នាទីព្រឹក ដល់ម៉ោង ១២:០០ នាទីថ្ងៃត្រង់ ។

(ប៉ៃលិន)៖ រដ្ឋបាលខេត្តប៉ៃលិន នៅព្រឹកថ្ងៃទី២៣ ខែកញ្ញា ឆ្នាំ២០២៦ បានបើកវេទិកាពិគ្រោះយោបល់ ស្តីពីការកសាងកម្មវិធីវិនិយោគបីឆ្នាំរំកិលខេត្ត ២០២៧-២០២៩ និងផ្សព្វផ្សាយសិក្ខាសាលាសមាហរណកម្មផែនការនៅថ្នាក់ក្រុង-ស្រុក ដែលវេទិកានេះស្ថិតក្រោមអធិបតីភាពឯកឧត្តម ឌិន គឹម សមាជិកក្រុមប្រក្សាខេត្តប៉ៃលិន និងលោកស្រី ឡូញ ឈាង អភិបាលរងខេត្តប៉ៃលិន តំណាងលោកជំទាវបណ្ឌិត បាន ស្រីមុំ អភិបាលខេត្តប៉ៃលិន ព្រមទាំងមានការអញ្ជើញចូលរួមពីឯកឧត្តម លោកជំទាវ សមាជិកក្រុមប្រឹក្សាខេត្ត ,លោក លោកស្រី ក្រុមប្រឹក្សា និងអភិបាល អភិបាលរងក្រុង ស្រុក ,លោក លោកស្រីប្រធាន អនុប្រធានមន្ទីរ អង្គភាព នានាជុំវិញខេត្ត និងលោក លោកស្រីតំណាងអង្គការដៃគូអភិវឌ្ឍន៍ អង្គការសង្គមស៊ីវិល វិស័យឯកជន សរុប៦៤រូប។

(កំពង់ឆ្នាំង)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញជាអធិបតីដ៏ខ្ពង់ខ្ពស់ និងកាត់ខ្សែបូសម្ពោធដាក់ឱ្យប្រើប្រាស់ជាផ្លូវការ រោងចក្រផ្តុំ និងដំឡើងរថយន្ត របស់ក្រុមហ៊ុន ធីអេច អូតូម៉ូធីវ មេនូហ្វេកឆឺរីង ឯ.ក និងដាក់ឱ្យដំណើរការខ្សែច្រវាក់ផលិតកម្មម៉ាក GAC នាព្រឹកថ្ងៃព្រហស្បតិ៍ ទី១៧ ខែកញ្ញា ឆ្នាំ២០២៦ នៅខេត្តកំពង់ឆ្នាំង៕អត្ថបទ សេង សុវណ្ណារិទ្ធ រូបថត៖ គល់ រ៉េននី

ប៉ៃលិន៖ នៅថ្ងៃទី១៦ ខែកញ្ញា ឆ្នាំ២០២៦ ក្រុមការងារបច្ចេកទេសនៃមន្ទីរសាធារណការ និងដឹកជញ្ជូនខេត្តប៉ៃលិន បានបន្តចុះអនុវត្តការងារជួសជុល ថែទាំខួប និងថែទាំប្រចាំលើបណ្តាញផ្លូវជាតិ និងផ្លូវខេត្តសំខាន់ៗមួយចំនួន សំដៅធានាឱ្យបាននូវគុណភាពផ្លូវ និងសម្រួលដល់ការធ្វើចរាចរណ៍របស់ប្រជាពលរដ្ឋឱ្យកាន់តែមានភាពងាយស្រួល និងសុវត្ថិភាព។​

(សាលាក្រៅ)៖ នាថ្ងៃអង្គារ ៤កើត ខែភទ្របទ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១៥ ខែកញ្ញា ឆ្នាំ២០២៦ លោក សៀ សុខុម អភិបាលនៃគណៈអភិបាលស្រុកសាលាក្រៅ បានចូលរួមជាមួយលោកជំទាវ វ៉ាន់ ចាន់ថូ អនុរដ្ឋលេខាធិការ និងជានាយកគម្រោងគ្រប់គ្រងធនធានទឹកចម្រុះ (IWRM) តំណាងដ៏ខ្ពង់ខ្ពស់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម អញ្ជើញដឹកនាំកិច្ចប្រជុំពិភាក្សា លើផែនការគម្រោងសាកល្បង ប្រព័ន្ធបណ្តាញចែករំលែកទឹក តាមទុយោ នៃគម្រោងគ្រប់គ្រងធនធានទឹកចម្រុះ ជំហានទី២ (SIWRM) នៅសាលាឃុំសាលាក្រៅ ស្រុកសាលាក្រៅ ខេត្តប៉ៃលិន។

ប្អូនស្រី ឈីវ ឈិនឈាង៖ «ខ្ញុំឈ្មោះ ជីវ ឈិនឈាង រស់នៅភូមិក្បាលព្រលាន មានអារម្មណ៍ថាសប្បាយចិត្ត និងរំភើបមែនទែន ដោយសារពីមុនផ្លូវហុយ ហើយ ដូចខ្ញុំជាអាជីវករចឹង លំបាកក្នុងការលក់ដូរអីវ៉ាន់។ ដល់ពេលឥឡូវបានផ្លូវបេតុងមក មានអារម្មណ៍ថាសប្បាយចិត្តមែនទែន រំភើប។ ផ្លូវពីមុនវាលអិល វាមានភក់ មានគ្រលុក ដល់ពេលឥឡូវបានផ្លូវបេតុងស្រួល»។

(ប៉ៃលិន)៖ នៅសាលាសង្កាត់ប៉ៃលិន នាព្រឹកថ្ងៃអង្គារ ៤កើត ខែភទ្របទ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១៥ ខែកញ្ញា ឆ្នាំ២០២៦ មន្ទីរកិច្ចការនារីខេត្តប៉ៃលិន បានរៀបចំបើកវគ្គផ្សព្វផ្សាយស្តីពី «ការលើកកម្ពស់សីលធម៌សង្គម តម្លៃស្ត្រី និងគ្រួសារខ្មែរ» ក្រោមអធិបតីភាពលោកស្រី ចន្ទ ថាវី ប្រធានមន្ទីរកិច្ចការនារី និងលោកស្រី តាន់ សុគន្ធធារី អភិបាលរងក្រុងប៉ៃលិន ដោយមានការចូលរួមពីចៅសង្កាត់ប៉ៃលិន មេភូមិ អនុភូមិ និងសមាជិកភូមិ សរុបចំនួន ៥០នាក់ (ស្រី ២០នាក់)។

ដោយអនុវត្តតាមការណែនាំដ៏ខ្ពង់ខ្ពស់របស់ ឯកឧត្តម​រដ្ឋមន្រ្តី​ក្រសួងធនធានទឹក និងឧតុនិយម និងលោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន ចាប់ពីថ្ងៃទី០៩ ដល់ថ្ងៃទី១៣ ខែកញ្ញា ឆ្នាំ២០២៦ លោក ង៉ា លីហុង ប្រធានមន្ទីរធនធានទឹក និងឧតុនិយមខេត្តប៉ៃលិន បានដឹកនាំមន្ត្រីជំនាញ កាយសម្រួលផ្លូវទឹក្នុងស្ទឹងប៉ៃលិន និងលើកទំនប់ការពារទឹកហូរច្រោះបាក់ច្រាំងស្ទឹង នៅពេលដែលមានជំនន់ទឹកភ្លៀងកើតឡើងតាមដងស្ទឹង ដែលបានបណ្តាលឱ្យប៉ះពាល់ខូចខាតដល់លំនៅដ្ឋានប្រជាពលរដ្ឋ ១៥គ្រួសារ ស្ថិតក្នុងភូមិបរតាំងស៊ូ សង្កាត់បយ៉ាខា ក្រុងប៉ៃលិន ខេត្តប៉ៃលិន។