News from the Provinces

(កំពង់ចាម) ដោយការគិតគូរ និងមិនបោះបង់ពលរដ្ឋណាម្នាក់ចោល នៅថ្ងៃអាទិត្យទី០៧ ខែមិថុនា ឆ្នាំ២០២៦ ប្រជាពលរដ្ឋដែលមានជីវភាពខ្វះខាតចំនួន ២៥ គ្រួសារ មកពី ៥ភូមិ ក្នុងឃុំមេព្រីង ស្រុកបាធាយ ខេត្តកំពង់ចាម ទទួលបានការយកចិត្តទុកដាក់យ៉ាងកក់ក្តៅពីសំណាក់ ឯកឧត្តម លី ថៃហាក់ និងឯកឧត្តម លី សំអូន អនុប្រធានក្រុមការងារគណបក្សប្រជាជនកម្ពុជា ចុះមូលដ្ឋានឃុំមេព្រីង តាមរយៈការចុះសួរសុខទុក្ខដល់មូលដ្ឋាន និងនាំយកអំណោយមនុស្សធម៌ទៅចែកជូនផ្ទាល់ដៃ។

ឯកឧត្តម ងិន ណែល អភិបាលរងខេត្ត តំណាង ឯកឧត្តម ញ៉ែម សំអឿន អភិបាលខេត្តរតនគិរី នៅព្រឹកថ្ងៃទី៧ ខែមិថុនា ឆ្នាំ២០២៦ នេះ បានអញ្ជើញចូលរួមកាត់ ស្រោមវិញ្ញាសារប្រឡងវិញ្ញាបនបត្រធម្មវិន័យ ត្រី ទោ ឯក សម្រាប់ឆ្នាំសិក្សា ២០២៥-២០២៦ នៅមណ្ឌលប្រឡង វិទ្យាល័យ ប៊ូថង ទេសអន្លុង ស្ថិតក្នុងសង្កាត់បឹងកន្សែង ក្រុងបានលុង ខេត្តរតនគិរី ។

(កំពង់ចាម)៖ គណបក្សប្រជាជនកម្ពុជាខេត្តកំពង់ចាម បានបើកយុទ្ធនាការត្រៀមលក្ខណៈជាយុទ្ធសាស្ត្រមួយ ឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ ខាងមុខ ដើម្បីពង្រឹងកម្លាំងនយោបាយ និងរក្សាប្រៀបឈ្នះនៅគ្រប់មូលដ្ឋាន។

ឯកឧត្តម ស្លេះ អាល់ហ្វីន អនុរដ្ឋលេខាធិការក្រសួងព័ត៌មាន បានអំពាវនាវ និងជំរុញដល់យុវជនឱ្យការពារខ្លួនកុំឱ្យក្លាយជាជនរងគ្រោះ ឬជាភ្នាក់ងារនៃការចែកចាយព័ត៌មានក្លែងក្លាយ ដោយត្រូវចេះផ្ទៀងផ្ទាត់ព័ត៌មាន និងពិនិត្យប្រភពឱ្យបានច្បាស់លាស់ ប្រកាន់ខ្ជាប់ជានិច្ចនូវវប្បធម៌ «គិតមុននឹងចែករំលែក» និងប្រើប្រាស់បណ្តាញសង្គមប្រកបដោយទទួលខុសត្រូវ។

(ស្ទឹងត្រែង )៖ នាព្រឹកថ្ងៃទី ០៦ ខែ មិថុនា ឆ្នាំ២០២៦ នៅទីស្នាក់ការគណបក្សកម្ពុជាស្រុកសេសាន ឯកឧត្តម សរ សុពុត្រា សមាជិកគណៈកម្មាធិការកណ្តាល និងជា ប្រធានគណៈកម្មាធិការគណបក្សប្រជាជនកម្ពុជាខេត្តស្ទឹងត្រែង បានអញ្ជើញជាអធិបតីភាពក្នុងពិធីប្រកាសបញ្ចូលសមាជិកថ្មី នៃគណបក្សប្រជាជនកម្ពុជា ឃុំកំភុន ស្រុកសេសាន ខេត្តស្ទឹងត្រែង ចំនួន ២៨៧ នាក់ ។ ដោយក្នុងនោះក៏មានការចូលរួមពី ឯកឧត្តម លោកជំទាវ ដែលជាថ្នាក់ដឹកនាំ គណៈកម្មាធិការគណបក្សខេត្ត ស្រុក ឃុំ និងអនុប្រធាន សមាជិក សមាជិកា នៃក្រុមការងារគណបក្ស ចុះមូលដ្ឋានស្រុកសេសាន និង ឃុំ កំភុន ។

លោក ហេង ឈាងលី ប្រធានសហគមន៍ទុរេន​បែកអន្លូង ស្រុកស្ទឹងត្រង់ គាំទ្រ ការបង្កើត​ឱ្យមានម៉ាកសញ្ញា​សម្គាល់​មួយជាក់លាក់ សម្រាប់ កសិផលទុរេនបែកអន្លូង!

កំពង់ចាម : កម្លាំងអាវុធហត្ថ នៃទីបញ្ជាការដ្ឋានកងរាជអាវុធហត្ថខេត្តកំពង់ចាម ដឹកនាំដោយមលោកវរសេនីយ៍ទោ សែម ឃាង នាយសេនាធិការរងកងរាជអាវុធហត្ថខេត្ត នៅព្រឹកថ្ងៃទី៦ ខែមិថុនា ឆ្នាំ២០២៦ បានចុះផ្សព្វផ្សាយព័ត៌មានសំខាន់ៗមួយចំនួន ដល់សិស្សានុសិស្ស វិទ្យាល័យ សម្តេចជួនណាត ស្ថិតក្នុងភូមិត្រកួន ឃុំក្រឡា ស្រុកកំពង់សៀម ។

លោក លី ស្រ៊ី នាយខណ្ឌរដ្ឋបាលជលផលកំពង់ចាម បានដឹកនាំក្រុមការងារជលផលនា ថ្ងៃទី៥ ខែមិថុនា ឆ្នាំ២០២៦ សហការជាមួយអាជ្ញាធរស្រុកព្រៃឈរ អាជ្ញាធរស្រុកកងមាស និងសហគមន៍នេសាទសាមគ្គីឃុំមៀន ចុះប្រតិបត្តិការបង្ក្រាបបទល្មើសជលផល ចំនួន ០៥ករណី នៅក្នុងភូមិសាស្ត្រស្រុកព្រៃឈរ និងស្រុកកងមាស ខេត្តកំពង់ចាម ។

មន្ទីរព័ត៌មានខេត្តកំពង់ចាម នាព្រឹកថ្ងៃទី០៥ ខែមិថុនា ឆ្នាំ២០២៦ បានរៀបចំកិច្ចប្រជុំតម្រង់ទិសស្តីពី «ការងារព័ត៌មានសាធារណមតិ និងការអនុវត្តយុទ្ធនាការនិយាយថាទេចំពោះព័ត៌មានក្លែងក្លាយ (Say No to Fake News) ជំហានទី២» ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន និង ឯកឧត្តម ជា ក្រូច អនុរដ្ឋលេខាធិការក្រសួងព័ត៌មាន ព្រមទាំងមានការអញ្ជើញចូលរួមពីថ្នាក់ដឹកនាំ មន្ត្រីរាជការ និងមន្ត្រីជាប់កិច្ចសន្យា នៃមន្ទីរព័ត៌មានខេត្តកំពង់ចាមជាច្រើននាក់។

(កំពង់ចាម)៖ គណៈគ្រប់គ្រង ថ្នាក់ដឹកនាំ លោកគ្រូ អ្នកគ្រូ និងសិស្សានុសិស្ស នៃសាលាពន្លឺវិជ្ជាអន្តរជាតិ (PIS) សាខាក្រុងកំពង់ចាម បានរៀបចំពិធីអបអរសាទរ និងប្រគល់រង្វាន់លើកទឹកចិត្តជូនដល់ យុវសិស្ស លី ធីតាវឌ្ឍនា ដែលបានសាងស្នាដៃដណ្តើមបាន ចំណាត់ថ្នាក់លេខ៣ ទូទាំងប្រទេស នៅក្នុង «ការប្រកួតប្រជែងសរសេរសំបុត្រថ្នាក់ជាតិ លើកទី៥ ឆ្នាំ២០២៦»។

មន្ទីរសាធារណការ និងដឹកជញ្ជូនខេត្តព្រះវិហារ នឹងអនុវត្តគម្រោងស្ថាបនាកំណាត់ផ្លូវជាតិលេខ៩២ ដោយក្រាលកៅស៊ូ DBST ប្រវែង ២ ៣០០ម ទទឹង ៨ម និងចិញ្ចើមដី ល្បាយថ្ម ១ម សងខាង តក្នុងភូមិកំពង់ពោធិ៍ ឃុំកំពង់ស្រឡៅមួយ ស្រុកឆែប ខេត្តព្រះវិហារ.

កំពង់ចាម ៖ ឯកឧត្តម កឹម សុខុន រដ្ឋលេខាធិការក្រសួងពាណិជ្ជកម្ម នៅព្រឹកថ្ងៃទេ៥ ខែមិថុនា ឆ្នាំ ២០២៦ នេះបានអញ្ជើញជាអធិបតីក្នុងពិធីមហាសន្និបាតកំណើតដំបូងការពិនិត្យ និងអនុម័តលក្ខន្តិកៈសហគមន៍ បទបញ្ជារួមគ្រប់គ្រងការប្រើប្រាស់ម៉ាកសមូហភាព ទុរេនបែកអន្លូង និងបោះឆ្នោតជ្រើសរើសប្រធានសហគមន៍ ។