Provincial News

នារសៀលថ្ងៃទី១៧ ខែកក្កដា ឆ្នាំ២០២៦, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ លោកស្រី Anne Zhao នាយិកាប្រតិបត្តិនៃក្រុមហ៊ុន Legendary Entertainment and Culture Group Ltd., និងសហការី ចូលជួបសម្ដែងការគួរសម និងពិភាក្សាការងារ ក្នុងឱកាសនៃការអញ្ជើញបំពេញទស្សនកិច្ចការងារ និងចូលរួមសន្និសីទបញ្ញាសិប្បនិម្មិតពិភពលោក ឆ្នាំ២០២៦ នៅសាធារណរដ្ឋប្រជាមានិតចិន ពីថ្ងៃទី១៥-១៧ ខែកក្កដា ឆ្នាំ២០២៦។

រសៀលថ្ងៃទី៩ ខែកក្កដា ឆ្នាំ២០ខែកក្កដា ឯកឧត្តម សៅ សារ៉ាត់ អ្នកតំណាងរាស្ត្រមណ្ឌលខេត្តប៉ៃលិន រួមជាមួយនឹងកម្លាំងរដ្ឋបាលស្រុកសាលាក្រៅ យុវជនសសយកឃុំសាលាក្រៅ និងឃុំស្ទឹងត្រង់ អាជ្ញាធរភូមិ និងបងប្អូនប្រជាពលរដ្ឋ បានជួសជុល និងដាក់ប្រព័ន្ធលូបង្ហូរទឹក ស្ថិតនៅភូមិភ្នំស្ពង់ ឃុំសាលាក្រៅ ស្រុកសាលាក្រៅ ខេត្តប៉ៃលិន ដើម្បីសម្រួលដល់ការរស់នៅ និងការធ្វើដំណើរ របស់ប្រជាពលរដ្ឋ ក្នុងមូលដ្ឋាន ឱ្យកាន់តែមានភាពងាយស្រួល និងសុវត្ថិភាពជាងមុន។

ប៉ៃលិន៖ រសៀលថ្ងៃទី៦ ខែកក្កដា ឆ្នាំ២០២៦ ក្រុមការងារ នៃមន្ទីរមុខងារសាធារណៈខេត្តប៉ៃលិន ដឹកនាំដោយ លោក ផេង ភី អនុប្រធានមន្ទីរ និងជាប្រធានក្រុមាករងារ បានដឹកនាំមន្រ្តីជំនាញ ចុះដល់មន្ទីរព័ត៌មានខេត្តប៉ៃលិន ដើម្បីត្រួតពិនិត្យលើការគ្រប់គ្រង និងការប្រើប្រាស់មន្រ្តីរាជការ ការរៀបចំរចនាសម្ព័ន្ធការងារ ការផ្លាស់ប្តូរស្ថានភាពរដ្ឋបាលមន្ត្រីរាជការ និងមន្ត្រីជាប់កិច្ចសន្យា នៃមន្ទីរព័ត៌មានខេត្តប៉ៃលិន។ ការចុះពិនិត្យនេះ ធ្វើឡើងតាមរយៈការពិនិត្យឯកសាររដ្ឋបាល ដែលផ្តល់ជូនដោយមន្ទីរព័ត៌មាន និងការចុះពិនិត្យដោយផ្ទាល់លើមន្រ្តីរាជការ ដែលកំពុងបំពេញការងារនៅតាមការិយាល័យជំនាញទាំងប្រាំ នៃមន្ទីរព័ត៌មានខេត្តប៉ៃលិន ក្រោមកិច្ចសហការយ៉ាងពេញលេញពី លោក ញ៉ឹប បូរី ប្រធានមន្ទីរព័ត៌មានខេត្តប៉ៃលិន។

ប៉ៃលិន៖ ក្នុងកិច្ចប្រជុំក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទ ប្រចាំត្រីមាសទីពីរ ឆ្នាំ២០២៦ នាថ្ងៃទី៣ ខែកក្កដា ឆ្នាំ២០២៦ នៅមន្ទីរអភិវឌ្ឍន៍ខេត្តប៉ៃលិន ក្រោមអធិបតីភាព លោក រស់ នឿន អភិបាលរងខេត្តប៉ៃលិន, លោក គឺន សុគា អនុប្រធានមន្ទីរអភិវឌ្ឍន៍ជនបទខេត្ត បានធ្វើរបាយការណ៍អោយដឹងថាៈ ប្រជាពលរដ្ឋខេត្តប៉ៃលិនមានអត្រាប្រើប្រាស់ទឹកស្អាតចំនួន ៨៣,៥% និងមានអត្រាប្រើប្រាស់បង្គន់ ស្មើនឹង ៩៦,៧៦% ។

ព្រឹកថ្ងៃទី០៣ ខែកក្កដា ឆ្នាំ២០២៦ លោក រស់ នឿន អភិបាលរងខេត្ត តំណាងលោកជំទាវបណ្ឌិត បាន ស្រីមុំ អភិបាលខេត្តប៉ៃលិន បានមានប្រសាសន៍ដូចនេះ ក្នុងកិច្ចប្រជុំប្រចាំត្រីមាសទី ២ ឆ្នាំ២០២៦ របស់ក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទ ដោយមានការចូលរួមពីលោក ហត ឫទ្ធី ប្រធានមន្ទីរអភិវឌ្ឍន៍ជនបទខេត្ត, ប្រធាន-អនុប្រធានមន្ទីរពាក់ព័ន្ធ អភិបាលរងក្រុង-ស្រុក តំណាងអង្គការដៃគូអភិវឌ្ឍន៍ ព្រមទាំងមន្ត្រីបច្ចេកទេសជាច្រើនរូប ក្នុងគោលបំណងពិនិត្យ វាយតម្លៃ និងជំរុញវឌ្ឍនភាពការងារលើវិស័យទឹកស្អាត និងអនាម័យជនបទក្នុងខេត្តប៉ៃលិន ឲ្យមានប្រសិទ្ធិភាព នៅសាលប្រជុំមន្ទីរអភិវឌ្ឍន៍ជនបទខេត្តប៉ៃលិន។

សួនច្បារមរតកតេជោ កំពុងតែមមាញឹកក្នុងការកសាង និងជាសមិទ្ធិផលដ៏ធំមួយ នៅក្នុងខេត្តប៉ៃលិន។ សួនច្បារមរតកតេជោ ស្ថិតនៅអមសងខាងដងស្ទឹងប៉ៃលិន ប្រវែងជិត ២គីឡូម៉ែត្រ ចាប់ពីស្ពានតារាប ផ្លូវជាតិលេខ៥៧ ក្នុងភូមិទួលល្វា សង្កាត់ទួលល្វា ក្រុងប៉ៃលិន រហូតដល់ស្ពានសន្តិភាព អំណោយដ៏ថ្លៃថ្លារបស់សម្តេចតេជោ ហ៊ុន សែន ស្ថិតក្នុងភូមិក្ងោក ឃុំស្ទឹងកាច់ ស្រុកសាលាក្រៅ ខេត្តប៉ៃលិន។