ព័ត៌មានក្នុងខេត្ត

ប៉ៃលិន៖ វត្តរតនសោភ័ណ ហៅវត្តកោងកាង ស្ថិតក្នុងភូមិវត្ត សង្កាត់ប៉ៃលិន ក្រុងប៉ៃលិន ខេត្តប៉ៃលិន។ ទោះបីឆ្លងកាត់សង្រ្គាមអស់ជាច្រើនទស្សវត្ស ប៉ុន្តែវត្តកោងកាងមិនមានការខូចខាត បាក់បែកអ្វីមួយ ដែលគួរអោយកត់សំគាល់នោះឡើយ ដែលផ្ទុយស្រឡះពីវត្តអារាម ចំនួន ១៥វត្ត ផ្សេងទៀត ដែលបន្សល់ទុកតាំងពីសម័យសង្គមរាស្រ្តនិយម បានរងការខូចខាត បាក់រលំរាបដល់ដី ។ បញ្ហានេះ មានប្រជាពលរដ្ឋចាស់ទុំជាច្រើនបានលើកឡើងថា វត្តកោងកាងមានបារមីខ្លាំងពូកែ ជួយឃុំគ្រង រងមុខ ពិសេសបារមី លោកឪឡឹក សេន អតីតព្រះចៅអធិការវត្តរតនសោភ័ណ ហៅវត្តកោងកាងនេះតែម្តង។

(ភ្នំពេញ)៖ ប្រមុខរាជរដ្ឋាភិបាលកម្ពុជា បានប្តេជ្ញាចិត្តក្នុងការការពារបូរណភាពទឹកដី ព្រមទាំងបេតិកភណ្ឌពិភពលោក ប្រាសាទព្រះវិហារ និងប្រាសាទបុរាណផ្សេងទៀតនៅតាមបណ្តោយព្រំដែន ឱ្យបានគង់វង្សសម្រាប់កូនចៅជំនាន់ក្រោយ។ ក្នុងឱកាសរំលឹកខួប១៨ឆ្នាំ នៃការចុះរមណីយដ្ឋានប្រាសាទព្រះវិហារ ក្នុងបញ្ជីបេតិកភណ្ឌពិភពលោករបស់អង្គការយូណេស្កូ កាលពីថ្ងៃទី៧ ខែកក្កដា ឆ្នាំ២០០៨ នៅទីក្រុងកេបិក ប្រទេសកាណាដា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថា ប្រជាជាតិនិងប្រជាជនកម្ពុជាទាំងមូល សូមសម្តែងនូវការគោរពដឹងគុណយ៉ាងជ្រាលជ្រៅបំផុត ចំពោះវីរភាពដ៏អង់អាចក្លាហានរបស់បងប្អូនកងយោធពលខេមរភូមិន្ទ និងកងកម្លាំងប្រដាប់អាវុធគ្រប់ប្រភេទ ដែលបានលះបង់សាច់ស្រស់ឈាមស្រស់ និងឈរជើងការពារខ្សែបន្ទាត់ព្រំដែនយ៉ាងរឹងមាំ។

(ប៉ៃលិន)៖ រយៈពេល៨ថ្ងៃ នៃវគ្គសិក្សាសមថកម្មដ្ឋាន វិបស្សនាកម្មដ្ឋាន និងសមាទានធុតង្គ ឆ្នាំ២០២៦ ដែលរៀបចំឡើងដោយ ព្រះសោភ័ណរតនវេទី អ៊ា សុផន ព្រះមេគណខេត្តប៉ៃលិន បានបិទបញ្ចប់ដោយជោគជ័យ និងប្រគល់វិញ្ជាបនបត្រ ដល់សិក្ខាកាមទាំងអស់ដែលបានចូលរួម។ ពិធីបិទវគ្គ បានធ្វើឡើងនៅវត្តពោធិមារាម ហៅវត្តប៉ាហ៊ី ដោយមានការចូលរួមជាអធិបតី ពីលោក សោ សុវណ្ណ អភិបាលរងខេត្តប៉ៃលិន តំណាង លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្ត នាល្ងាចថ្ងៃទី២៩ ខែមិថុនា ឆ្នាំ២០២៦។ វគ្គសិក្សាសមថកម្មដ្ឋាន នេះធ្វើឡើង ក្នុងគោលបំណង បណ្តុះស្មារតីបដិបត្ត នូវក្រមសីលធម៌ គុណធម៌ និងការអនុវត្តព្រះធម៌អប់រំផ្លូវចិត្ត តាមគន្លងមាគារព្រះពុទ្ធសាសនា ដែលសិក្ខាកាមយកទៅអនុវត្ត ក្នុងជីវភាពរស់នៅប្រចាំថ្ងៃ ឱ្យមានក្តីសុខចម្រើន និងសេចក្តីថ្លៃថ្នូរ។

មន្ត្រីរដ្ឋលេខាធិការដ្ឋានកិច្ចការព្រំដែន៖ កុំថាឡើយផែនទីមាត្រដ្ឋាន 1/200 000 របស់គណៈកម្មការឥណ្ឌូចិន-សៀម ដែលបានបញ្ជាក់យ៉ាងច្បាស់ថាប្រាសាទខ្នារនៅក្នុងទឹកដីកម្ពុជា សូម្បីតែផែនទីដែលថៃគូសដោយឯកតោភាគី L7017 ក៏បង្ហាញយ៉ាងច្បាស់ថាប្រាសាទខ្នារគឺស្ថិតនៅក្នុងទឹកដីកម្ពុជា។

ថ្នាក់ដឹកនាំ មន្ត្រីរាជការ នៃមន្ទីរព័ត៌មានខេត្តប៉ៃលិន បានធ្វើពិធីសូត្រមន្តចំរើនព្រះបរិត្ត បណ្ដេញឧបទ្រពពីឆ្នាំចាស់ និងប្រោះព្រំលើករាសី នាំសិរីសួស្ដីជ័យមង្គល ដើម្បីអបអរសាទរបុណ្យចូលឆ្នាំថ្មី ប្រពៃណីជាតិ ឆ្នាំមមី អដ្ឋស័ក ពុទ្ធសករាជ ២៥៧០ គ្រឹះសករាជ ២០២៦។