ព័ត៌មានក្នុងខេត្ត

លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន ឯកឧត្តម សៅ សារ៉ាត់ អ្នកតំណាងរាស្ត្រមណ្ឌលប៉ៃលិន ព្រមទាំងមន្ត្រីជំនាញ និងក្រុមការងារបច្ចេកទេស បានអញ្ជើញចុះពិនិត្យមើលវឌ្ឍនភាព នៃការស្ថាបនា «សួនប៉ៃលិនមរតកតេជោ» ដែលមានទីតាំងស្ថិតនៅអមសងខាងដងស្ទឹងប៉ៃលិន។

ប៉ៃលិន៖ ថ្ងៃទី០១ ខែសីហា ឆ្នាំ២០២៦ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន អមដំណើរដោយមន្ត្រីជំនាញ និងក្រុមការងារ បានអញ្ជើញពិនិត្យមើលវឌ្ឍនភាពការស្ថាបនា «សួនប៉ៃលិនមរតកតេជោ» នៅអមសងខាងដងស្ទឹងប៉ៃលិន ដើម្បីបម្រើដល់ផលប្រយោជន៍សាធារណៈក្នុងខេត្ត ជាពិសេសទាក់ទាញភ្ញៀវទេសចរទាំងក្នុងខេត្ត និងក្រៅខេត្ត មកលេងកំសាន្ត ដែលជាកត្តាជួយជំរុញកំណើនសេដ្ឋកិច្ច និងជីវភាពរស់នៅប្រចាំថ្ងៃរបស់ប្រជាពលរដ្ឋ ។

ប៉ៃលិន៖ នៅព្រឹកថ្ងៃទី៣១ ខែកក្កដា ឆ្នាំ២០២៦ ខេត្តប៉ៃលិន បានប្រារព្ធពិធីអបអរសាទរទិវាមច្ឆាជាតិ ១ កក្កដា ២០២៦ ព្រមទាំងបានលែងកូន ត្រីចម្រុះ និងមេពូជចំនួនជិត ៣០០០០ក្បាល នៅតំបន់ការពារ និងអភិរក្សជលផល ស្ថិតក្នុងភូមិភ្នំកុយ ឃុំសាលាក្រៅ ស្រុកសាលាក្រៅ ខេត្តប៉ៃលិន ស្ថិតក្រោមអធិបតីភាពលោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន។

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានណែនាំដល់អ្នកសារព័ត៌មានឱ្យប្រើប្រាស់បច្ចេកវិទ្យាបញ្ញាសិប្បនិម្មិត (AI) ប្រកបដោយការទទួលខុសត្រូវ និងមិនត្រូវពឹងផ្អែកលើ AI ក្នុងការសរសេរអត្ថបទព័ត៌មានដោយគ្មានការផ្ទៀងផ្ទាត់ប្រភព និងខ្លឹមសារឡើយ ព្រោះទំនួលខុសត្រូវចំពោះភាពត្រឹមត្រូវ និងសុក្រឹត្យភាពនៃព័ត៌មានដែលបានផ្សព្វផ្សាយ គឺស្ថិតលើអ្នកសារព័ត៌មាន មិនមែនលើ AI នោះទេ។ ការលើកឡើងនេះ ធ្វើឡើងក្នុងឱកាសដែលឯកឧត្តមរដ្ឋមន្ត្រី នេត្រ ភក្ត្រា អញ្ជើញជាអធិបតីបើកវគ្គបណ្ដុះបណ្ដាលស្ដីពី «ការពង្រឹងសមត្ថភាពអ្នកសារព័ត៌មាន» លើកទី៩ ដែលផ្តោតលើការប្រើប្រាស់ AI ក្នុងវិស័យសារព័ត៌មាន នៅព្រឹកថ្ងៃទី៣១ ខែកក្កដា ឆ្នាំ២០២៦ នាសាលបណ្ដុះបណ្ដាល និងវិក្រឹតការវិជ្ជាជីវៈសារព័ត៌មាន ទីស្ដីការក្រសួងព័ត៌មាន ដោយមានអ្នកសារព័ត៌មានចូលរួមប្រមាណ ១៨០នាក់ មកពី៥០អង្គភាពសារព័ត៌មាន។

ប៉ៃលិន៖ រសៀលថ្ងៃទី៣១ ខែកក្កដា ឆ្នាំ២០២៦ លោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន បានអញ្ជើញចូលរួមកិច្ចប្រជុំដើម្បីពិនិត្យវឌ្ឍនភាពការងារការបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online scame)តាមរយៈប្រព័ន្ធហ្សូម( Zoom) ក្រោមអធិបតីភាពដ៏ខ្ពង់ខ្ពស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ។ ក្នុងគោលបំណងដើម្បីទទួលបានការណែនាំ និងអនុសាសន៍ដឹកនាំដ៏ខ្ពង់ខ្ពស់ពីឯកឧត្តមអភិសន្តិបណ្ឌិត ឧបនាយករដ្ឋមន្ត្រី ក្នុងការបង្កើនប្រសិទ្ធភាពបង្ការ ទប់ស្កាត់ និងស្រាវជ្រាវបង្ក្រាបបទល្មើសបច្ចេកវិទ្យាឱ្យកាន់តែមានប្រសិទ្ធភាពខ្ពស់ និងធានាសុវត្ថិភាព សន្តិសុខឌីជីថល ការពារទ្រព្យសម្បត្តិ និងផលប្រយោជន៍ របស់ប្រជាពលរដ្ឋ ក៏ដូចជាលើកកម្ពស់កិត្យានុភាពកម្ពុជា លើឆាកអន្តរជាតិ។

(ភ្នំពេញ) ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន បានជំរុញឱ្យមន្ត្រីគ្រប់គ្រងគេហទំព័ររបស់មន្ទីរព័ត៌មានរាជធានី-ខេត្តទាំង២៥ ពង្រឹងតួនាទីជាច្រកចេញចូលផ្តល់ព័ត៌មានផ្លូវការដ៏មានសក្តានុពលចម្បង ក្នុងគោលបំណងលើកកម្ពស់ប្រសិទ្ធភាពនៃការគ្រប់គ្រងសាធារណមតិ និងធានាការផ្តល់ព័ត៌មានពិតដល់សាធារណជន។ ការជំរុញបែបនេះត្រូវបានធ្វើឡើងក្នុងឱកាសដែលឯកឧត្តមអញ្ជើញដឹកនាំកិច្ចប្រជុំស្តីពី «ការគ្រប់គ្រងគេហទំព័រព័ត៌មានមន្ទីរព័ត៌មានរាជធានី-ខេត្ត» នារសៀលថ្ងៃទី២៩ ខែកក្កដា ឆ្នាំ២០២៦ នៅទីស្តីការក្រសួងព័ត៌មាន ដោយផ្ទាល់ និងតាមរយៈប្រព័ន្ធ Zoom ដែលមានការចូលរួមពីមន្ត្រីបច្ចេកទេសនៃក្រសួងប្រៃសណីយ៍ និងទូរគមនាគមន៍ ព្រមទាំងថ្នាក់ដឹកនាំ និងមន្ត្រីពាក់ព័ន្ធទាំងអស់មកពីមន្ទីរព័ត៌មាន២៥ រាជធានី-ខេត្ត។

​នេះជាការលើកឡើងរបស់ លោក គោស៊ុំ ប៊ុនសឿត អភិបាលរង នៃគណៈអភិបាលខេត្តប៉ៃលិន ថ្លែងក្នុងកិច្ចប្រជុំត្រួតពិនិត្យ និងជំរុញការចុះបញ្ជីធ្វើប័ណ្ណកម្មសិទ្ធិដីរដ្ឋ ដល់បណ្តាមន្ទីរ អង្គភាព រដ្ឋបាលគ្រប់ថ្នាក់នៃខេត្តប៉ៃលិន នារសៀលថ្ងៃទី៣០ ខែកក្កដា ឆ្នាំ២០២៦ នៅមន្ទីរសេដ្ឋកិច្ច និងហិរញ្ញវត្ថុខេត្តប៉ៃលិន។ ការចុះបញ្ជីដីរដ្ឋនេះ ត្រូវបានធ្វើឡើងស្របពេលដែល រដ្ឋបាលខេត្តប៉ៃលិន តាមរយៈមន្ទីររៀបចំដែនដី សំណង់ សុរិយោដី និងនគរូបនីយកម្ម កំពុងមមាញឹកក្នុងការអនុវត្តការចុះបញ្ជីមានលក្ខណៈជាប្រព័ន្ធជូនប្រជាពលរដ្ឋនៅមូលដ្ឋាន។

នេះជាការលើកឡើងរបស់ឯកឧត្តម ទេព អស្នារិទ្ធ អនុរដ្ឋលេខាធិការក្រសួងព័ត៌មាន និងជាអ្នកនាំពាក្យក្រសួងព័ត៌មាន ថ្លែងក្នុងកិច្ចប្រជុំ ស្តីពីការគ្រប់គ្រងគេហទំព័រ ជាមួយមន្ទីរព័ត៌មានរាជធានី ខេត្ត តាមរយះកិច្ចប្រជុំពីចម្ងាយZOOM នារសៀលថ្ងៃទី២៩ ខែកក្កដាឆ្នាំ២០២៦ ដោយបានជំរុញដល់មន្រ្តីព័ត៌មានរាជធានី-ខេត្តផលិតមាតិកាដែលមានប្រជាប្រិយនិងមានប្រយោជន៍សម្រាប់ប្រជាពលរដ្ឋនៅមូលដ្ឋាន និងសាធារណៈជនទូទៅ។ ជាមួយនឹងវិធីសាស្រ្តនៃការផលិតព័ត៌មាន ឯកឧត្តម ក៏បានផ្តោតការយកចិត្តទុកដាក់ លើបច្ចេកទេសនៃការគ្រប់គ្រងគេទំព័រ និងយុទ្ធសាស្រ្តក្នុងការគ្របគ្រងព័ត៌មានផងដែរ។

(ប៉ៃលិន)៖ ព្រឹកថ្ងៃទី២៨ ខែកក្កដា ឆ្នាំ២០២៦ មន្ទីរផែនការខេត្តប៉ៃលិន ក្នុងនាមលេខាធិការដ្ឋាននៃគណៈកម្មាធិការប្រជាជននិងអភិវឌ្ឍន៍ខេត្ត បានរៀបចំការផ្សព្វផ្សាយ ផែនការសកម្មភាពអនុវត្តក្របខណ្ឌយុទ្ធសាស្ត្រកម្ពុជាឆ្នាំ២០២៤-២០៣០ក្រោមអធិបតីភាពឯកឧត្តម ជា ចាន់ឌិន ប្រធានក្រុមប្រឹក្សាខេត្តប៉ៃលិន លោកស្រីឡូញ ឈាង អភិបាលរងនៃគណៈអភិបាលខេត្តប៉ៃលិន និងមានការចូលរួមមន្ទីររវិស័យពាក់ព័ន្ធ និងរដ្ឋបាល ក្រុង ស្រុក សរុបមាន២៣អង្គភាព ។

ប៉ៃលិន៖ យោងតាមសេចក្តីជូនដំណឹង របស់សហភាពសហព័ន្ធយុវជនកម្ពុជាខេត្តប៉ៃលិន ជម្រាបជូនដល់មាតាបីតា ឬអាណាព្យាបាល និងបេក្ខជនតៀមប្រឡងសញ្ញាបត្រមធ្យមសិក្សាទុតិយភូមិ ទូទាំងខេត្តប៉ៃលិន នាសម័យប្រឡង នៅថ្ងៃទី១០-១១ខែសីហា ឆ្នាំ២០២៦ ខាងមុខនេះ នៅវិទ្យាល័យ ហ៊ុន សែន ក្រុងទេពនិម្មិតប៉ៃលិន ដោយមានការឧបត្ថម្ភគាំទ្រទាំងស្រុងពីឯកឧត្តមទេសរដ្ឋមន្ត្រី អ៊ី ឈាន ប្រធានក្រុមការងាររាជរដ្ឋាភិបាលចុះមូលដ្ឋានខេត្តប៉ៃលិន និងលោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្ត។

ភ្នំពេញ៖ ឯកឧត្តម ប៊ុត បូវុត រដ្ឋលេខាធិការក្រសួងព័ត៌មានបានលើកឡើងថា ការវិភាគកំណត់មុខតំណែងមន្រ្តីក្រសួងព័ត៌មានជាកិច្ចការមួយដ៏សំខាន់ ដើម្បីជំរុញប្រសិទ្ធភាពការងារឱ្យឆ្លើយតបទៅនឹងការកែទម្រង់រដ្ឋបាលសាធារណៈរបស់រាជរដ្ឋាភិបាល។

ប៉ៃលិន៖ នាព្រឹកថ្ងៃទី២៧ ខែកក្កដា ឆ្នាំ២០២៦ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអញ្ជើញជាអធិបតីភាពក្នុងពិធីប្រកាសចូលកាន់មុខតំណែងប្រធានមន្ទីរពាណិជ្ជកម្មខេត្តប៉ៃលិនថ្មី ដោយមានការចូលរួមពីសំណាក់ លោកជំទាវបណ្ឌិត បាន ស្រីមុំ អភិបាល នៃអភិបាលខេត្តប៉ៃលិន និងប្រតិភូអមដំណើរ ព្រមទាំងថ្នាក់ដឹកនាំមន្ទីរអង្គភាពស្ថាប័នជុំវិញខេត្ត និងអាជ្ញាធរមូលដ្ឋានផងដែរ។