ព័ត៌មានក្នុងខេត្ត

ឯកឧត្តម សៅ សារ៉ាត់ អ្នកតំណាងរាស្ត្រមណ្ឌលខេត្តប៉ៃលិន និងលោកជំទាវ ស្វាយ ដួងកែវ បានដឹកនាំមន្ត្រីរាជការ ព្រមទាំងពុទ្ធបរិស័ទជិតឆ្ងាយ អញ្ជើញចូលរួមកាន់បិណ្ឌវេនទី៩ នៃពិធីបុណ្យភ្ជុំបិណ្ឌ នៅវត្តគិរីរតនារាម ហៅវត្តភ្នំយ៉ាត ស្ថិតក្នុងភូមិវត្ត សង្កាត់ប៉ៃលិន ក្រុងប៉ៃលិន ខេត្តប៉ៃលិន នៅថ្ងៃទី៥ ខែតុលា ឆ្នាំ២០២៦ នេះ ដើម្បីចូលរួមថែរក្សាទំនៀមទម្លាប់ប្រពៃណីព្រះពុទ្ធសាសនា និងឧទ្ទិសកុសលផលបុណ្យជូនដល់បុព្វការីជន និងវីរៈកងទ័ព ដែលបានពលីជីវិត ក្នុងបុព្វហេតុ ជាតិ មាតុភូមិ។

(ប៉ៃលិន)៖ លោក ញ៉ឹប បូរី ប្រធានមន្ទីរព័ត៌មានខេត្តប៉ៃលិន បានដឹកនាំមន្ត្រីរាជការក្រោមឱវាទទាំងអស់ អញ្ជើញចូលរួមកាន់បិណ្ឌវេនទី៨ នៃពិធីបុណ្យភ្ជុំបិណ្ឌ នៅវត្តប៉ៃលិនធម្មាភិវឌ្ឍន៍ (ហៅវត្តអូររអិល) ស្ថិតក្នុងភូមិអូររអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន ដោយបានប្រមូលបច្ច័យសរុបជាង ១លានរៀល ដើម្បីតម្កល់កសាងសមិទ្ធិផលនានាក្នុងទីអារាម។

(ប៉ៃលិន)៖ នៅថ្ងៃទី០៤ ខែតុលា ឆ្នាំ២០២៦ លោក សៀ សុខុម អភិបាលស្រុកសាលាក្រៅ រួមដំណើរដោយលោក សួន ហ៊ីម ប្រធានក្រុមប្រឹក្សាស្រុក បានដឹកនាំមន្ត្រីរាជការក្រោមឱវាទនៃរដ្ឋបាលស្រុក អញ្ជើញចូលរួមក្នុងពិធីកាន់បិណ្ឌវេនទី៨ នៃបុណ្យភ្ជុំបិណ្ឌ នៅវត្តសុវណ្ណគីរីរតនៈ (ហៅវត្តអូរដូនតា) ស្ថិតក្នុងភូមិដីស្អិត ឃុំស្ទឹងត្រង់ ស្រុកសាលាក្រៅ ខេត្តប៉ៃលិន។

(ប៉ៃលិន)៖ នៅព្រឹកថ្ងៃអាទិត្យ ៨រោច ខែភទ្របទ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី០៤ ខែតុលា ឆ្នាំ២០២៦ លោក សាក់ សាវរិទ្ធ ប្រធានមន្ទីរបរិស្ថានខេត្តប៉ៃលិន និងជាប្រធានក្រុមការងារចុះមូលដ្ឋានភូមិបាយសី បានអញ្ជើញដឹកនាំថ្នាក់ដឹកនាំ និងមន្ត្រីរាជការនៃមន្ទីរ ចូលរួមក្នុងពិធីកាន់បិណ្ឌវេនទី៨ នៅវត្តបាយសី ស្ថិតក្នុងឃុំស្ទឹងត្រង់ ស្រុកសាលាក្រៅ ខេត្តប៉ៃលិន ដើម្បីចូលរួមថែរក្សាទំនៀមទម្លាប់ប្រពៃណីព្រះពុទ្ធសាសនា។

AKP កណ្តាល ថ្ងៃទី៣ ខែតុលា ឆ្នាំ២០២៦ — លោកជំទាវបណ្ឌិត ពេជ ចន្ទមុន្នីហ៊ុនម៉ាណែត រួមជាមួយនឹងលោកឪពុក អ្នកម្តាយ សហការី និងកូនៗសមាជិការបស់សមាគមកាយឫទ្ធិនារីកម្ពុជា ព្រមទាំងពុទ្ធបរិស័ទចំណុះជើងវត្តអញ្ជើញចូលរួមពិធីសូត្រមន្តចូលវេនកាន់បិណ្ឌទី៨ នៃពិធីបុណ្យកាន់បិណ្ឌនៅពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា (ភ្នំព្រះរាជទ្រព្យ)ស្ថិតក្នុងភូមិភ្នំ ឃុំផ្សារដែក ស្រុកពញាឮ ខេត្តកណ្តាល នារសៀលថ្ងៃទី៣ ខែតុលាឆ្នាំ២០២៦។

ឯកសារចាស់- ប្រលងចម្រៀងជនពិការខេត្តប៉ៃលិន -បេក្ខជន ឈ្មោះ ឃុត ហ៊ីម -ច្រៀងបទ "ហោរាទស្សន៍ទាយ"

លោកជំទាវ សុក សារី សមាជិកាក្រុមប្រឹក្សាខេត្តប៉ៃលិន និងលោក សោ សុវណ្ណ អភិបាលរង នៃគណៈអភិបាលខេត្តប៉ៃលិន បានដឹកនាំមន្ត្រីរាជការ និងពុទ្ធបរិស័ទ អញ្ជើញចូលរួមកាន់បិណ្ឌវេនទី១ ក្នុងឱកាសពិធីបុណ្យកាន់បិណ្ឌ និងភ្ជុំបិណ្ឌ នៅវត្តរតនសោភ័ណ (ហៅវត្តកោងកាង) ស្ថិតក្នុងភូមិវត្ត សង្កាត់ប៉ៃលិន ក្រុងប៉ៃលិន ខេត្តប៉ៃលិន ដើម្បីឧទ្ទិសកុសលជូនបុព្វការីជន និងប្រមូលបច្ច័យសម្រាប់ទ្រទ្រង់វិស័យព្រះពុទ្ធសាសនា។

កម្ពុជាមិនមែនគ្រាន់តែជាទឹកដីដែលមានប្រាសាទបុរាណ និងសម្បត្តិបេតិកភណ្ឌដ៏សម្បូរបែបប៉ុណ្ណោះទេ។ កម្ពុជាគឺជាទឹកដីកំណើតនៃវប្បធម៌ និងអរិយធម៌ខ្មែរ ដែលត្រូវបានកសាង បន្ត និងរក្សាទុកឆ្លងកាត់ប្រវត្តិសាស្ត្ររាប់សតវត្សរ៍មកហើយ។ ពីភាសា អក្សរសាស្ត្រ សាសនា សិល្បៈ ស្ថាបត្យកម្ម តន្ត្រី របាំ ទំនៀមទម្លាប់ រហូតដល់របៀបរស់នៅរបស់ប្រជាជន សុទ្ធតែបង្ហាញពីអត្តសញ្ញាណ និងភាពច្នៃប្រឌិតរបស់ជាតិខ្មែរ។

(ប៉ៃលិន)៖ នៅថ្ងៃទី២០ ខែកញ្ញា ឆ្នាំ២០២៦ លោក សាក់ សាវរិទ្ធ ប្រធានមន្ទីរបរិស្ថានខេត្តប៉ៃលិន និងលោក អ៊ុង ប៊ុននាថ ប្រធានមន្ទីរស្តីទី នៃមន្ទីរធម្មការ និងសាសនា ខេត្តប៉ៃលិន បានអញ្ជើញចូលរួមក្នុងពិធីប្រគល់ធុងសំរាមចំនួន ១០២ ធុង ជូនដល់ វត្តពោធិមារាម (ហៅវត្តប៉ាហ៊ី) ដើម្បីលើកកម្ពស់អនាម័យ និងការគ្រប់គ្រងសំណល់រឹងក្នុងទីអារាម ដែលយុទ្ធនាការនេះ ត្រូវធ្វើឡើង ស្របតាមកិច្ចសហប្រតិបត្តិការរវាង ក្រសួងបរិស្ថាន និង ក្រសួងធម្មការ និងសាសនា ក្នុងគោលបំណងចូលរួមចំណែក ថែរក្សាអនាម័យ បរិស្ថាន សោភ័ណភាព និងការគ្រប់គ្រងសំណល់រឹង នៅតាមទីវត្តអារាម ឱ្យកាន់តែមានរបៀបរៀបរយ និងស្រស់ស្អាត។

ឯកឧត្តម មីន អោង ឡាំង (Min Aung Hlaing) ប្រធានាធិបតី នៃសាធារណរដ្ឋសហភាពមីយ៉ាន់ម៉ា អញ្ជើញក្រាបថ្វាយបង្គំ សមេ្តចព្រះអភិសិរីសុគន្ធាមហាសង្ឃរាជាធិបតីកិត្តិឧទេ្ទសបណ្ឌិត បួរ គ្រី សមេ្តចព្រះមហាសង្ឃរាជនៃគណៈធម្មយុត្តិកនិកាយ នៃព្រះរាជាណាចក្រកម្ពុជា នៅវត្តស្វាយពពែ រាជធានីភ្នំពេញ នាព្រឹកថ្ងៃទី១២ ខែកញ្ញា ឆ្នាំ២០២៦ ក្នុងឱកាសដែលឯកឧត្តមប្រធានាធិបតីអញ្ជើញមកបំពេញទស្សនកិច្ចផ្លូវរដ្ឋរយៈពេលពីរថ្ងៃនៅព្រះរាជាណាចក្រកម្ពុជា។

(ប៉ៃលិន)៖ រសៀលថ្ងៃពុធ ៥រោច ខែស្រាពណ៍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២ ខែកញ្ញា ឆ្នាំ២០២៦ លោក អ៊ុង ប៊ុននាថ ប្រធានមន្ទីរស្ដីទីនៃមន្ទីរធម្មការ និងសាសនាខេត្តប៉ៃលិន បានដឹកនាំកិច្ចប្រជុំវិស័យព្រះពុទ្ធសាសនា ស្ដីពី «ការរៃអង្គាស និងការនិមន្តបិណ្ឌបាតតាមទីកន្លែងសាធារណៈ និងតាមផ្សារនានា» នៅសាលប្រជុំមន្ទីរធម្មការ និងសាសនាខេត្តប៉ៃលិន ដោយមានការនិមន្ត និងអញ្ជើញចូលរួមពីព្រះមេគណទាំងពីរគណៈ និងមន្ត្រីសង្ឃ អនុគណក្រុង ស្រុក ព្រមទាំងមន្ត្រី នៃមន្ទីរធម្មការ និងសសនាជាអង្គ/នាក់។

ដើម្បីចូលរួមលើកស្ទួយ និងអភិរក្សទម្រង់សិល្បៈប្រពៃណីខ្មែរឱ្យបានគង់វង្ស កាលពីថ្ងៃទី២៧ ខែសីហា ឆ្នាំ២០២៦ ការិយាល័យសិល្បៈទស្សនីយភាព នៃមន្ទីរវប្បធម៌ និងវិចិត្រសិល្បៈខេត្តប៉ៃលិន បានបើកវគ្គបណ្តុះបណ្តាលស្ដីពី «ក្បាច់ និងចង្វាក់ភ្លេងឆៃយ៉ាំ» ជូនដល់ សិស្សានុសិស្សក្នុងក្រុងប៉ៃលិន ក្រោមអធិបតីភាពលោកស្រី វែង ស្រីមុំ អនុប្រធានមន្ទីរវប្បធម៌ និងវិចិត្រសិល្បៈខេត្តប៉ៃលិន។