ព័ត៌មានក្នុងខេត្ត

មន្ត្រីរដ្ឋលេខាធិការដ្ឋានកិច្ចការព្រំដែន៖ ប្រាសាទតាមាន់ធំ ស្ថិតក្នុងទឹកដីកម្ពុជាបើយោងតាមផែនទីមាត្រដ្ឋាន ១/២០០ ០០០ និងកំណត់ហេតុ (PV) បោះបង្គោលរបស់គណៈកម្មការឥណ្ឌូចិន-សៀម ឆ្នាំ១៩០៨ និង ១៩១៩ និងយោងតាមផែនទី L7017 មាត្រដ្ឋាន ១/៥០ ០០០ ដែលថៃគូសដោយឯកតោភាគី។

សម្តេចតេជោ ហ៊ុន សែន៖ " ជាថ្មីម្តងទៀតថ្ងៃនេះខ្ញុំមានចំណាប់អារម្មណ៍ទៅលើអត្ថបទរបស់ លោក Surachart Bamrungsuk អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «បញ្ហាបញ្ច្រាសមកវិញ សង្គ្រាមក៏បានធ្វើឱ្យរបបដឹកនាំកម្ពុជា កាន់តែរឹងមាំឡើងផងដែរ» ខ្ញុំសូមចូលរួមចែករំលែកនូវអត្ថបទនេះដោយបកប្រែក្រៅផ្លូវការ ដើម្បីជូនប្រជាជននៃប្រទេសទាំងពីរកម្ពុជានិងថៃ បានជ្រាបនិងយល់ដឹងបន្ថែម ដោយ ខ្ញុំសូមមិនមានការធ្វើអត្ថាធិប្បាយ បន្ថែមអ្វីទេទៅលើអត្ថបទរបស់លោក សូមទុកឱ្យប្រជាជនទាំងពីរពិចារណាលើសំណេរដែលមានខ្លឹមសារអត្ថបទរៀបរាប់ទាំងស្រុង"

ក្រោមការចង្អុលបង្ហាញដ៏ខ្ពង់ខ្ពស់ដោយផ្ទាល់ពី សម្តេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជាប្រធានយុវជនគណបក្សថ្នាក់កណ្តាល វេទិកា «ពិភាក្សាជាមួយយុវជន» ខេត្តគោលដៅទី២៤ ត្រូវបានរៀបចំឡើងយ៉ាងផុសផុល ដោយមានការចូលរួមពីសមាជិកយុវជនប្រមាណ ១,២២១ នាក់ ។

ឯកឧត្តមទេសរដ្ឋមន្ត្រីបានសង្កត់ធ្ងន់បន្ថែមថា «ប៉ៃលិនគឺជាតំបន់បំផ្ទុះឡើងនូវសន្តិភាព» ព្រោះថាកាលពីថ្ងៃទី២២ ខែតុលា ឆ្នាំ១៩៩៦ តំបន់ប៉ៃលិនបានទទួលវត្តមានដ៏ថ្លៃថ្លារបស់ សម្តេចតេជោ ហ៊ុន សែន ដែលនាមកាលនោះ កងកម្លាំងសមាហរណកម្មទាំងអស់ត្រូវបានផ្លាស់ប្តូរឯកសណ្ឋានពីកងទ័ពខ្មែរក្រហម មកជាឯកសណ្ឋានកងយោធពលខេមរភូមិន្ទ ដែលជាកងទ័ពជាតិតែមួយ ជ្រកក្រោមបាវចនា «ជាតិ សាសនា ព្រះមហាក្សត្រ» តែមួយ។

ខេត្តប៉ៃលិន៖ នារសៀលថ្ងៃទី១៧ ខែកក្កដា ឆ្នាំ២០២៦ សាលប្រជុំក្រុមប្រឹក្សាខេត្តប៉ៃលិន បានរៀបចំកិច្ចប្រជុំពិភាក្សាប្រមូលធាតុចូល ដើម្បីរៀបចំរូបភាព និងខ្លឹមសារសម្រាប់ឆ្លាក់លើជញ្ជាំងស្តូបអនុស្សាវរីយ៍នយោបាយឈ្នះ-ឈ្នះ។ កិច្ចប្រជុំនេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្តម អ៊ី ឈាន ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានអនុគណៈកម្មការសាងសង់ស្តូបអនុស្សាវរីយ៍នយោបាយឈ្នះ-ឈ្នះខេត្តប៉ៃលិន ដោយមានការចូលរួមពីថ្នាក់ដឹកនាំរដ្ឋបាលខេត្ត មន្ទីរ អង្គភាពពាក់ព័ន្ធ និងឥស្សរជនដែលជាប្រតិបត្តិករនយោបាយឈ្នះ-ឈ្នះ។

ប៉េកាំង ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញដឹកនាំគណៈប្រតិភូជាន់ខ្ពស់កម្ពុជា អញ្ជើញដល់អាកាសយានដ្ឋានអន្តរជាតិប៉េកាំង សាធារណរដ្ឋប្រជាមានិតចិនប្រកបដោយសុវត្ថិភាព គណៈប្រតិភូរាជរដ្ឋាភិបាលកម្ពុជាបានមកដល់អាកាសយានដ្ឋានអន្តរជាតិប៉េកាំង នារសៀលថ្ងៃទី១៥ ខែកក្កដា ឆ្នាំ២០២៦ ដោយមានការទទួលស្វាគមន៍ពីសំណាក់ លោកជំទាវ Hua Chunying អនុរដ្ឋមន្ត្រីការបរទេសចិន។

៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញដឹកនាំគណៈប្រតិភូជាន់ខ្ពស់កម្ពុជា ចាកចេញពីអាកាសយានដ្ឋានអន្តរជាតិតេជោ ខេត្តកណ្តាល នាព្រឹកថ្ងៃទី១៥ ខែកក្កដា ឆ្នាំ២០២៦ ដើម្បីទៅបំពេញទស្សនកិច្ចការងារនៅសាធារណរដ្ឋប្រជាមានិតចិន ចាប់ពីថ្ងៃទី១៥ ដល់១៧ ខែកក្កដា ឆ្នាំ២០២៦នេះ។

ក្រុមប្រទេសប្រើប្រាស់ភាសាបារាំងដែលកម្ពុជាបានចូកជាសមាជិកតាំងពីឆ្នាំ១៩៩៣ ហើយដែលមានប្រទេសជាសមាជិកពេញសិទ្ធិ និងប្រទេសសង្កេតការណ៌សរុបជាង៩០ប្រទេស នៅលើពិភពលោកបានចេញសេចក្តីសម្រេចមួយ ក្នុងការការពារ ភាពត្រឹមត្រូវ និងស្របច្បាប់របស់កម្ពុជា ទៅលើបូរណភាពទឹកដីរបស់កម្ពុជា ក្នុងអំឡុងកិច្ចប្រជុំនៅរដ្ឋធានីដេយុន ប្រទេសកាមេរូន កាលពីថ្ងៃទី១០-១១ ខែកក្កដា ឆ្នាំ២០២៦។ សេចក្តីសម្រេចចិត្តនេះបានយោងទៅលើលិខិតតុបករណ៌អន្តរជាតិចំនួន៩ ដែលនៅមានតម្លៃគតិយុត្តជាអន្តរជាតិ ដោយបានបង្ហាញពីភាពតានតឹងដែលនៅតែបន្តកើតមាននៅតាមព្រំដែនរវាងព្រះរាជាណាចក្រកម្ពុជា និងព្រះ រាជាណាចក្រថៃ ចាប់តាំងពីខែកក្កដា ឆ្នាំ២០២៥ ដែលបានបណ្តាលឱ្យមានការបាត់បង់ជីវិត មនុស្សយ៉ាងច្រើនសន្ធឹកសន្ធាប់ ការផ្លាស់ទីលំនៅយ៉ាងច្រើននៃប្រជាជនស៊ីវិល និងរបាយ ការណ៍អំពីការរំលោភបំពានលើបទឈប់បាញ់ និងបូរណភាពទឹកដីនៃព្រះរាជាណាចក្រកម្ពុជា រួមទាំងការខូចខាតដល់ទីតាំងវប្បធម៌ និងសាសនា ដែលទីតាំងមួយចំនួនត្រូវបានចុះក្នុងបញ្ជីបេតិកភណ្ឌពិភពលោករបស់អង្គការយូណេស្កូ។

យោងតាមគណនីផ្លូវការរបស់ក្រសួងមុខងារសាធារណ:កាលពីថ្ងៃទី៧ខែកក្កដា ឆ្នាំ២០២៦ បានផ្សព្វផ្សាយនូវអនុក្រឹត្យលេខ១៤២ អនក្រ.បក ចុះថ្ងៃទី២ ខែកក្កដាឆ្នាំ ២០២៦ របស់រាជរដ្ឋាភិបាលកម្ពុជា ដែលចុះលេខាដោយសម្ដេចមហាបវរធិបតី ហ៊ុន ម៉ាណែត ដោយបានដាក់ឱ្យអនុវត្តនូវគោលការណ៍ណែនាំស្ដីពីការពិពណ៌នាមុខតំណែង ក្នុងគោលបំណងជាមូលដ្ឋានសម្រាប់ឱ្យក្រសួង ស្ថាប័ន ក្នុងការកំណត់និងការពិពណ៌នាមុខតំណែងមន្ត្រីឲ្យបានច្បាស់លាស់ទៅតាមរចនាសម្ព័ន្ធអង្គភាព និងគ្រឹះស្ថានក្រោមឱវាទក្រសួងស្ថាប័នថ្នាក់ជាតិ។

ប៉ៃលិន៖ រសៀលថ្ងៃទី ២០ ខែឧសភា ឆ្នាំ២០២៦ នេះ រដ្ឋបាលខេត្តប៉ៃលិន បានរៀបចំកិច្ចប្រជុំពិភាក្សាស្វែងយល់អំពីការអនុវត្តសិទ្ធិស្ត្រី ជំរុញសមភាពយេនឌ័រ និងការលុបបំបាត់រាល់ទម្រង់ នៃការរើសអើងប្រឆាំងនឹងនារីភេទ ឬហៅថា អនុសញ្ញា «ស៊ី-ដ» (CEDAW)។ កិច្ចប្រជុំនេះ ធ្វើឡើងក្រោមអធិបតីភាព លោកជំទាវ ដាំ ដារីនី រដ្ឋលេខាធិការក្រសួងការពារជាតិ និងជាសមាជិកក្រុមប្រឹក្សាជាតិកម្ពុជាដើម្បីស្ត្រី និងលោកជំទាវ បាន ស្រីមុំ អភិបាល នៃគណៈអភិបាលខេត្តប៉ៃលិន ដោយមានការចូលរួមពីថ្នាក់ដឹកនាំមន្ទីរ និងអង្គភាពជុំវិញខេត្ត និង កងកំលាំងប្រសាប់អាវុធ ផងដែរ។

ឯកឧត្តម កែវ វណ្ណថន រដ្ឋលេខាធិការក្រសួងមហាផ្ទៃ បានអញ្ជើញជាអធិបតីក្នុងកិច្ចប្រជុំផ្សព្វផ្សាយផែនការ ស្តីពីការបន្តនិរន្តរភាពយុទ្ធនាការ ទប់ស្កាត់សកម្មភាពឆបោកតាមប្រព័ន្ធ បច្ចេកវិទ្យា (Online Scams) នៅក្នុងព្រះរាជាណាចក្រកម្ពុជា

លោកជំទាវ បាន ស្រីមុំ អភិបាល នៃគណៈអភិបាលខេត្តប៉ៃលិន បានអញ្ជើញចូលរួម កិច្ចប្រជុំប្រព័ន្ធ Zoomស្តីពីកិច្ចប្រជុំផ្សព្វផ្សាយច្បាប់ ស្តីពីការប្រឆាំងការឆបោកតាមប្រព័ន្ធបច្ចេកវិទ្យា ក្រោមអធិបតីភាពឯកឧត្តម សន្តិបណ្ឌិត ឆៃ ស៊ីណារិទ្ឋ ទេសរដ្ឋមន្រ្តីទទួលបន្ទុកបេសសកម្មពិសេស អនុប្រធានប្រចាំការ និងជាប្រធានលេខាធិការដ្ឋាន គ.ប.ឆ.ប។