ព័ត៌មានក្នុងខេត្ត

ប៉ៃលិន៖ នៅសាលប្រជុំធំសាលាខេត្ត នាព្រឹកថ្ងៃទី២៣ ខែមិថុនា ឆ្នាំ២០២៦ ឯកឧត្តម អ៊ុំ ម៉ារ៉ា រដ្ឋលេខាធិការក្រសួងមហាផ្ទៃ តំណាងដ៏ខ្ពង់ខ្ពស់ឯកឧត្តមអភិសន្តិ ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតីភាពក្នុងពិធីប្រកាសចូលកាន់មុខតំណែងអភិបាលរងខេត្តប៉ៃលិនថ្មី ចំនួន ២រូប ដោយមានការចូលរួមពីសំណាក់ឯកឧត្តម ជា ចាន់ឌិន ប្រធានក្រុមប្រឹក្សាខេត្ត និងលោកជំទាវបណ្ឌិត បាន ស្រីមុំ អភិបាលខេត្តប៉ៃលិន ព្រមទាំងថ្នាក់ដឹកនាំមន្ទីរអង្គភាពស្ថាប័នជុំវិញខេត្តផងដែរ។

រមណីដ្ឋានទឹកធ្លាក់ចម្ការខ្នុរ ឬ គេហៅបយ៉ាខា ជារមណីយដ្ឋានកែច្នៃមួយកន្លែង កំពុងតែល្បីរន្ទឺ ហើយមានភ្ញៀវទេសចរជាតិ និង អន្តរជាតិបានចូលទៅលេងកំសាន្តយ៉ាងច្រើនកុះករ ទាំងខ្មែរ និង បរទេស ។

Omega-3 គឺជាអាស៊ីតខ្លាញ់សំខាន់មួយដ៏សំខាន់សម្រាប់សុខភាព។ Omega-3 មានតួនាទីកាត់បន្ថយការរលាក ធ្វើអោយប្រសើរឡើងនូវសុខភាពសរសៃឈាមបេះដូង និងជួយដល់មុខងារខួរក្បាល។ ប្រភពសំខាន់នៃOmega-3 គឺត្រី និងប្រេងត្រី ប៉ុន្តែបន្លែខ្លះក៏អាចផ្តល់បរិមាណអូមេហ្គា-3 មួយចំនួនផងដែរ។

ប៉ៃលិន៖ មានប្រសាសន៍លើកឡើងក្នុងឱកាសអញ្ជើញដឹកនាំក្រុមការងារចុះពិនិត្យមើល ការបន្តដាំដុះដើមផ្កាក្ងោកបន្ថែមទៀត នៅអបតាមដងផ្លូវនានាក្នុងខេត្ត នារសៀលថ្ងៃទី២០ ខែមិថុនា ឆ្នាំ២០២៦ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន បានថ្លែងឱ្យដឹងថា៖ នៅថ្ងៃអនាគត់ កូនឈើ និងដើមផ្ការាប់ពាន់ដើម នឹងត្រូវបានដាំនៅតាមទីសាធារណៈ និងអមសងខាងផ្លូវទូទាំងខេត្ត ដូច្នេះសូមអំពាវនាវឱ្យមានការ ចូលរួមពីសំណាក់ បងប្អូនប្រជាពលរដ្ឋ និងគ្រប់មជ្ឈដ្ឋានទាំងអស់ រួមគ្នាដុះ និងថែទាំ ដើម្បីលើកកំពស់សោភ័ណភាព និងបង្កើតជា គម្របបរិស្ថានបៃតងក្នុងខេត្ត។

ប៉ៃលិន៖ ថ្ងៃទី២០ ខែមិថុនា ឆ្នាំ២០២៦ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្ត និងជាប្រធានសមាគមអតីតយុទ្ធជន និងនិវត្តជនកម្ពុជាខេត្តប៉ៃលិន អមដំណើរដោយក្រុមការងារ បានអញ្ជើញប្រគល់ផ្ទះ ១ខ្នង ដែលជាអំណោយរបស់ សម្តេចអគ្គមហាសេនាបតី តេជោ ហ៊ុន សែន ប្រធានព្រឹទ្ធសភា និងជាប្រធានសមាគមអតីតយុទ្ធជន និងនិវត្តជនកម្ពុជា និងកសាងដោយសម្ដេចមហាបវរបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងជាអនុប្រធានទី១ សមាគមអតីតយុទ្ធជន និងនិវត្តជនកម្ពុជា ជូនដល់អតីតយុទ្ធជនឈ្មោះ ដឿក ទ្រុង ភេទ ប្រុស អត្តលេខ HA87001967 រស់នៅភូមិស្លា ឃុំស្ទឹងកាច់ ស្រុកសាលាក្រៅ ខេត្តប៉ៃលិន ដើម្បីសម្រាលដល់ទុក្ខលំបាក និងជីវភាពរស់នៅប្រចាំថ្ងៃរបស់អតីតយុទ្ធជន។

ឯកឧត្តម សោម កុសល អនុរដ្ឋលេខាធិការក្រសួងព័ត៌មាន នៅព្រឹកថ្ងៃទី១៧ ខែមិថុនា ឆ្នាំ២០២៦ បានអញ្ជើញជាគណៈអធិបតី ក្នុងការដឹកនាំយុទ្ធនាការ «និយាយថាទេ ចំពោះព័ត៌មានក្លែងក្លាយ» ជំហានទី២ ក្រោមប្រធានបទ «ពង្រឹងអក្ខរកម្មព័ត៌មាន និងប្រព័ន្ធផ្សព្វផ្សាយ» ដែលរៀបចំនៅវិទ្យាល័យមិត្តភាព កម្ពុជា-ជប៉ុន (កំពង់ក្រុង) ខេត្តកំពត ។

ឯកឧត្តម ប្រាក់ ថាវអមិដា តំណាងដ៏ខ្ពង់ខ្ពស់ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានបញ្ជាក់ថាដោយមើលឃើញពីភាពចាំបាច់ របស់សិស្សានុសិស្សក្នុងការធ្វើដំណើរទៅសាលារៀនឲ្យបានទាន់ពេលវេលា ក៏ដូចជាការជួយសម្រួលទុក្ខលំបាករបស់អាណាព្យាបាលក្នុងការជូនកូនទៅសាលារៀន ទើបមានការផ្ដល់កង់ជូនដល់សិស្សនាពេលនេះ

នៅថ្ងៃទី១៦ ខែមិថុនា ឆ្នាំ២០២៦នេះ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន បានដឹកនាំក្រុមការងារ រួមមាន អភិបាលរងខេត្ត និងថ្នាក់ដឹកនាំកងកម្លាំងប្រដាប់អាវុធ អញ្ជើញចូលរួមកិច្ចប្រជុំប្រចាំខែ តាមប្រព័ន្ធវីដេអូ Zoom ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ ដើម្បីពង្រឹងសន្តិសុខ និងបង្ក្រាបបទល្មើសបច្ចេកវិទ្យា ក្នុងភូមិសាស្រ្តខេត្តប៉ៃលិនអោយអស់ពីក្នុងខេត្ត តាមការប្តេជ្ញាចិត្តរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាច្រកម្ពុជា។

ឯកឧត្តម ស្លេះ អាល់ហ្វីន អនុរដ្ឋលេខាធិការក្រសួងព័ត៌មាន បានមានប្រសាសន៍លើកឡើងថា៖ «អក្ខរកម្មព័ត៌មាន គឺជាសមត្ថភាពក្នុងការប្រើប្រាស់ បង្កើត វិភាគ និងវាយតម្លៃព័ត៌មានប្រកបដោយវិចារណញ្ញាណ ហើយចំណេះដឹងទាំងនេះ គឺជាវ៉ាក់សាំងដ៏រឹងមាំបំផុត ក្នុងការការពារខ្លួនយើង និងសង្គមជាតិទាំងមូល ពីគ្រោះថ្នាក់នៃព័ត៌មានក្លែងក្លាយ»។

មនុស្សជាច្រើនយល់ច្រឡំថា ការបង្អត់បាយល្ងាច គឺជាផ្លូវកាត់ដែលលឿនបំផុតក្នុងការសម្រកទម្ងន់ ។ ប៉ុន្តែការពិត ការធ្វើបែបនេះមិនត្រឹមតែមិនអាចជួយឱ្យអ្នកស្រកគីឡូបានយូរអង្វែងនោះទេ ថែមទាំងជាការធ្វើទារុណកម្មក្រពះ និងប្រព័ន្ធរំលាយអាហារយ៉ាងធ្ងន់ធ្ងរទៀតផង។ នេះ គឺជាហេតុផលដែលអ្នកគួរ ឈប់បង្អត់បាយល្ងាច និងវិធីសាស្ត្រញ៉ាំឱ្យរាងស្អាតដោយមិនបារម្ភពីរឿងដំបៅក្រពះ៖

សួនច្បារមរតកតេជោ កំពុងតែមមាញឹកក្នុងការកសាង និងជាសមិទ្ធិផលដ៏ធំមួយ នៅក្នុងខេត្តប៉ៃលិន។ សួនច្បារមរតកតេជោ ស្ថិតនៅអមសងខាងដងស្ទឹងប៉ៃលិន ប្រវែងជិត ២គីឡូម៉ែត្រ ចាប់ពីស្ពានតារាប ផ្លូវជាតិលេខ៥៧ ក្នុងភូមិទួលល្វា សង្កាត់ទួលល្វា ក្រុងប៉ៃលិន រហូតដល់ស្ពានសន្តិភាព អំណោយដ៏ថ្លៃថ្លារបស់សម្តេចតេជោ ហ៊ុន សែន ស្ថិតក្នុងភូមិក្ងោក ឃុំស្ទឹងកាច់ ស្រុកសាលាក្រៅ ខេត្តប៉ៃលិន។

នាព្រឹកថ្ងៃទី ១៥ មិថុនា ២០២៦ មន្ទីរការងារ និងបណ្តុះបណ្តាលវិជ្ជាជីវៈខេត្តប៉ៃលិន បានរៀបចំពិធីអបអរសាទរ ទិវាជាតិ អប់រំបណ្តុះបណ្តាលបច្គេកទេស និងវិជ្ជាជីវៈ លើកទី៩ ក្រោមប្រធានបទ «TVET ផ្តល់ជំនាញការងារ និងប្រាក់ចំណូល»។ ពិធីនេះស្ថិតក្រោមអធិបតីភាព លោកបណ្ឌិត ម៉ើង លីដា អភិបាលរងខេត្តប៉ៃលិន តំណាងលោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន ដោយមាន លោកប្រធាន អនុប្រធានមន្ទីរ អង្គភាពជំនាញ ជុំវិញខេត្ត កងកម្លាំងប្រដាប់អាវុធ លោកមេឃុំ ចៅសង្កាត់ លោកគ្រូ អ្នកគ្រូ សិស្ស និស្សិត យុវជន និងម្ចាស់គ្រិះស្ថាន សហគ្រាសនានា នៅទូទាំងខេត្តប៉ៃលិន បានអញ្ជើញចូលរួម។