ព័ត៌មានក្នុងខេត្ត

(ប៉ៃលិន)៖ ក្រោមការអនុញ្ញាតពី លោកឧត្តមសេនីយ៍ត្រី កែវ សុផល មេបញ្ជាការកងរាជអាវុធហត្ថខេត្តប៉ៃលិន នៅព្រឹកថ្ងៃទី២ ខែកញ្ញា ឆ្នាំ២០២៦ លោកវរសេនីយ៍ឯក តេង គៀក មេបញ្ជាការរង ទទួលបន្ទុកការងារកសាងកម្លាំង បានដឹកនាំមន្ត្រីក្រោមឱវាទសរុបចំនួន ៥រូប មានប្រធានមន្ទីរ អនុប្រធានមន្ទីរ នាយការិយាល័យបុគ្គលិក និងនាយការិយាល័យចំណុះ ចូលរួមកិច្ចប្រជុំផ្សព្វផ្សាយការងារសោធននិវត្តន៍ ឆ្នាំ២០២៦ តាមរយៈប្រព័ន្ធ (Video Conference) ក្រោមអធិបតីភាព លោកស្រីឧត្តមសេនីយ៍ទោ ហ៊ាង ឆវី មេបញ្ជាការរងកងរាជអាវុធហត្ថលើផ្ទៃប្រទេស។

ព័ត៌មាន ទទក ប៉ៃលិន÷រដ្ឋបាលខេត្តប៉ៃលិន បានបើកកិច្ចប្រជុំបូកសរុបលទ្ធផលការងារសន្តិសុខប្រចាំខែសីហា និងត្រួតពិនិត្យវឌ្ឍនភាព នៃការអនុវត្ត យុទ្ធនាការបោសសម្អាតបទល្មើសឆបោកតាមប្រព័ន្ធបច្ចេកវិទ្យា (Online Scams) នៅតាមមូលដ្ឋាន ទូទាំងខេត្តប៉ៃលិន កាលពីថ្ងៃទី០១ ខែកញ្ញា ឆ្នាំ២០២៦ ក្រោមអធិបតីភាព លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តប៉ៃលិន ដើម្បីពង្រឹងសណ្តាប់ធ្នាប់ សាធារណៈ និងទប់ស្កាត់បទល្មើស គ្រប់ទម្រង់ឱ្យបានម៉ឺងម៉ាត់។

ព័ត៌មាន ទទក ប៉ៃលិន៖ លោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន បានទទួលជួបពិភាក្សាការងារជាមួយគណៈប្រតិភូ BRICS House ប្រចាំព្រះរាជាណាចក្រកម្ពុជា របស់ប្រទេសរុស្ស៊ី ក្នុងដំណើរទស្សនកិច្ចសិក្សាស្វែងយល់ អំពី ស្ថានភាពទូទៅ និងសក្តានុពលជាក់ស្តែង ដើម្បីជំរុញកិច្ចសហប្រតិបត្តិការវិនិយោគ លើការនាំចេញកសិផលទៅកាន់ទីផ្សារប្រទេសរុស្ស៊ី ព្រមទាំងការអភិវឌ្ឍវិស័យទេសចរណ៍បែបធម្មជាតិនៅក្នុងខេត្តប៉ៃលិន។

(ភ្នំពេញ)៖ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បាននិងកំពុងយកចិត្តទុកដាក់យ៉ាងខ្លាំង លើការកែទម្រង់ និងពង្រឹងប្រសិទ្ធភាព នៃការផ្សព្វផ្សាយព័ត៌មានផ្លូវការរបស់រាជរដ្ឋាភិបាល សំដៅធានាឱ្យបាននូវតម្លាភាព ភាពច្បាស់លាស់ និងការឆ្លើយតបបានទាន់ពេលវេលា ទៅកាន់សាធារណជន។ ថ្លែងក្នុងកិច្ចប្រជុំស្តីពី «ការលើកកម្ពស់ការផ្សព្វផ្សាយព័ត៌មាន និងការគ្រប់គ្រងសាធារណមតិ» នៅសាលចតុម្មុខមង្គល នៃទីស្តីការក្រសួងព័ត៌មាន ដោយមានការចូលរួមពីមន្ត្រីនាំពាក្យមកពី បណ្តាក្រសួង និងស្ថាប័ននានា ដែលជាសេនាធិការដ៏សំខាន់របស់រាជរដ្ឋាភិបាល កាលពីរសៀល ថ្ងៃទី១ ខែកញ្ញា ឆ្នាំ២០២៦ ។

ប៉ៃលិន៖ ថ្ងៃទី០២ ខែកញ្ញា ឆ្នាំ២០២៦ លោកជំទាវបណ្ឌិត បាន ស្រីមុំ អភិបាលនៃ គណៈអភិបាលខេត្តប៉ៃលិន បានដឹកនាំកិច្ចប្រជុំស្តីពីការត្រួតពិនិត្យលទ្ធផលការអនុវត្តន៍ គម្រោងមូលនីធិក្រុង/ស្រុក និងឃុំ/សង្កាត់ ឆ្នាំ២០២៦ ដើម្បីជំរុញការគ្រប់គ្រងគុណភាព តម្លាភាព សំរាប់ផ្តល់ផលប្រយោជន៍នៅមូលដ្ឋាន និងជំរុញការផ្តល់សេវ៉ាសាធារណៈ នានា ឱ្យបានលឿនឆាប់រហ័ស ជូនដល់ប្រជាពលរដ្ឋ ស្របតាមគោលនយោបាយបញ្ចកោណរបស់រាជរដ្ឋាភិបាល។

ប៉ៃលិន ៖ នៅព្រឹកថ្ងៃទី២ ខែកញ្ញា ឆ្នាំ២០២៦ លោកវរសេនីយ៍ឯក នួន ធុល មេបញ្ជាការរង តំណាងដ៏ខ្ពង់ខ្ពស់លោកឧត្ដមសេនីយ៍ត្រី កែវ សុផល មេបញ្ជាការកងរាជអាវុធហត្ថខេត្តប៉ៃលិន បានដឹកនាំក្រុមការងារនាំយកថវិកាមូលនិធិមហាកងរាជអាវុធហត្ថ ចំនួន ២,២៥០,០០០ រៀល (ពីរលានម្ភៃប្រាំម៉ឺនរៀល) ទៅប្រគល់ជូនដើម្បីចូលរួមរំលែកមរណទុក្ខយ៉ាងក្រៀមក្រំជាមួយគ្រួសារលោកពលបាលត្រី ម៉េង សំអូន សមាជិកកងអន្តរាគមន៍កងរាជអាវុធហត្ថខេត្តប៉ៃលិន។

ខេត្តប៉ៃលិន ៖ បញ្ជាការដ្ឋានកងរាជអាវុធហត្ថខេត្តប៉ៃលិន បានចេញសេចក្តីជូនដំណឹងដល់សិស្ស និស្សិត និងស្រទាប់យុវជនទាំងអស់ឱ្យបានជ្រាបថា បញ្ជាការដ្ឋានកងរាជអាវុធហត្ថលើផ្ទៃប្រទេស កំពុងដំណើរការជ្រើសរើសពលទាហាន ដើម្បីបំពេញក្របខ័ណ្ឌឱ្យអង្គភាពកងរាជអាវុធហត្ថ។ ចំពោះយុវជនដែលមានបំណង និងស្ម័គ្រចិត្តចូលបម្រើការងារក្នុងជួរកងរាជអាវុធហត្ថ ប្រកបដោយមនសិការ ស្នេហាជាតិ និងមានឧត្ដមគតិខ្ពស់ក្នុងការបម្រើជាតិមាតុភូមិ អាចអញ្ជើញមកទំនាក់ទំនងដកពាក្យ និងដាក់ពាក្យស្នើសុំចូលបម្រើការងារដោយឥតគិតប្រាក់។

(ភ្នំពេញ)៖ នៅថ្ងៃទី ១ ខែកញ្ញា ឆ្នាំ ២០២៦ ឯកឧត្ដម ទេព អស្នារិទ្ធ អនុរដ្ឋលេខាធិការរដ្ឋ និងអ្នកនាំពាក្យក្រសួងព័ត៌មាន មានប្រសាសន៍លើកឡើងថា៖ ក្រសួងព័ត៌មាន ការពារអ្នកសារព័ត៌មាន ដែលធ្វើការជាអាជីព និងបំពេញភារកិច្ច ដោយស្របច្បាប់ និងសីលធម៌ស្របតាមសន្ធិសញ្ញាអាជីពអ្នកសារព័ត៌មាន ហើយចូលរួម ក្នុងការលើកស្ទួយការគោរពច្បាប់ និងតម្លៃរបស់អ្នកសារព័ត៌មាន និងការពារអាជីពពិតប្រាកដ។

ថ្ងៃអង្គារ ៤រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១ ខែកញ្ញា ឆ្នាំ២០២៦ លោក ង៉ា លីហុង ប្រធានមន្ទីរធនធានទឹក និងឧតុនិយមខេត្តប៉ៃលិន និងមន្ត្រីជំនាញក្នុងអង្គភាព បានចុះជួសជុលទ្វារទឹក នៃសំណង់ធារាសាស្ត្រស្រែអន្ទាក់ ដែលបានរងការខូចខាត ក្រោយពីមានជំនន់ទឹកភ្លៀងតាមដងស្ទឹងពីពេលមុន ស្ថិតក្នុងភូមិស្រែអន្ទាក់ ឃុំសាលាក្រៅ ស្រុកសាលាក្រៅ។

ប៉ៃលិន៖ ថ្ងៃទី០១ ខែកញ្ញា ឆ្នាំ២០២៦ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេ ត្តប៉ៃលិន និងជាប្រធានគណៈបញ្ជាការឯកភាពរដ្ឋបាលខេត្ត បានដឹកនាំកិច្ចប្រជុំបូកសរុបលទ្ធផលការងារសន្តិសុខ ប្រចាំខែសីហា និងពិនិត្យវឌ្ឍនភាពការងារយុទ្ធនាការ បោសសម្អាតបទល្មើសឆបោកតាមប្រព័ន្ធបច្ចេកវិទ្យា Online Scams ព្រមទាំងប្តេជ្ញាចិត្តមិនឱ្យបទល្មើសនេះកើតមាន នៅតាមបណ្តាមូលដ្ឋានក្នុងភូមិសាស្រ្តខេត្តប៉ៃលិនជាដាច់ខាត។

ប៉ៃលិន៖ យុវជនជាច្រើនរូបដែលកំពុងសិក្សាវគ្គបណ្តុះបណ្តាលបច្ចេកទេស និងវិជ្ជាជីវៈ (TVET) នៅមជ្ឈមណ្ឌលបណ្តុះបណ្តាលវិជ្ជាជីវៈខេត្តប៉ៃលិន បានសម្តែងនូវក្តីមោទនភាព និងក្តីសង្ឃឹមយ៉ាងមុតមាំ ចំពោះអនាគតរបស់ខ្លួន ក្នុងការទទួលបានចំណេះជំនាញពិតប្រាកដ និងឱកាសការងារល្អៗ ឆ្លើយតបនឹងតម្រូវការទីផ្សារការងារបច្ចុប្បន្ន។

អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា សូមជម្រាបជូនសាធារណជន អ្នកសារព័ត៌មានជាតិ និងអន្តរជាតិមេត្តាជ្រាបថា៖ នៅថ្ងៃអង្គារ ទី១ ខែកញ្ញា ឆ្នាំ២០២៦ វេលាម៉ោង ០៩:៣៥នាទីព្រឹក ក្រុមអ្នកសម្របសម្រួល (CLG) នៃព្រះរាជាណាចក្រកម្ពុជា បានសម្របសម្រួលជូនក្រុមអ្នកសង្កេតការណ៍អាស៊ានប្រចាំព្រះរាជាណាចក្រកម្ពុជា (ASEAN Observer Team–Cambodia: AOT-KH) ដឹកនាំដោយ ប្រធានបេសកកម្មក្រុមអ្នកសង្កេតការណ៍អាស៊ាន (AOT KH HOM) ពីសាធារណរដ្ឋហ្វីលីពីន ចុះសង្កេតការណ៍ផ្ទៀងផ្ទាត់ និងរាយការណ៍អំពីស្ថានភាពតាមបណ្តោយព្រំដែនកម្ពុជា-ថៃ នៅច្រកទ្វារព្រំដែនអន្តរជាតិចាំយាម ស្ថិតក្នុងភូមិចាំយាម ឃុំប៉ាក់ខ្លង ស្រុកមណ្ឌលសីមា ខេត្តកោះកុង ក្រោយបទឈប់បាញ់ចូលជាធរមាន ក្នុងការធានាការអនុវត្តបទឈប់បាញ់រវាងកម្ពុជានិងថៃ ដើម្បីលើកកម្ពស់តម្លាភាព ការជឿទុកចិត្តគ្នា និងឆ្ពោះទៅការធ្វើឱ្យប្រសើរឡើងវិញឆាប់រហ័ស។