ព័ត៌មានក្នុងខេត្ត

នាព្រឹកថ្ងៃទី២២ ខែកក្កដា ឆ្នាំ២០២៦, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម Kash Patel នាយកទីភ្នាក់ងារស៊ើបអង្កេតសហព័ន្ធ (FBI) នៃសហរដ្ឋអាម៉េរិក ចូលជួបសម្តែងការគួរសម និងពិភាក្សាការងារ នៅវិមានសន្តិភាព។

នៅសាលប្រជុំអគារ«គ» នាព្រឹកថ្ងៃទី២២ ខែកក្កដា ឆ្នាំ២០២៦ លោក សោ សុវណ្ណ អភិបាលរង នៃគណៈអភិបាលខេត្តប៉ៃលិន តំណាងលោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន បានអញ្ជើញជាគណៈអធិបតីក្នុង «ពិធីបើកវគ្គបណ្តុះបណ្តាលស្តីពី ភាពជាអ្នកដឹកនាំ» ជូនដល់មន្ត្រីរាជការ នៃរដ្ឋបាលខេត្ត-ក្រុង-ស្រុក និងភាគីពាក់ព័ន្ធសរុប៥៧នាក់ ។ វគ្គបណ្តុះបណ្តាលនេះ ត្រូវបានរៀបចំឡើងរយៈពេល ៣ថ្ងៃ ដោយចាប់ផ្តើមពី ថ្ងៃទី២២ ដល់ថ្ងៃទី២៤ ខែកក្កដា ឆ្នាំ២០២៦ ក្នុងគោលបំណងដើម្បីពង្រឹង និងលើកកម្ពស់សមត្ថភាព របស់ថ្នាក់ដឹកនាំ ព្រមទាំងមន្ត្រីរាជការ ដែលស្ថិតក្នុងរចនាសម្ព័ន្ធរដ្ឋបាលខេត្ត-ក្រុង-ស្រុក និងភាគីពាក់ព័ន្ធទាំងអស់ ឱ្យមានសមត្ថភាពខ្ពស់ លើការដឹកនាំ និងការគ្រប់គ្រងការងារ ក្នុងអង្គភាពឱ្យកាន់តែមានប្រសិទ្ធភាព និងសក្តានុពលស្ដង់ដារ ក្នុងការបំពេញភារកិច្ចបម្រើជាតិ និងប្រជាពលរដ្ឋ ឱ្យបានកាន់តែប្រសើរឡើង។

ការគេង រលាកភ្នែក ការឆ្លងមេរោគភ្នែក និងអាឡ័កស៊ី សុទ្ធតែអាចបណ្តាលឲ្យភ្នែកមើលទៅហើម។ភ្នែករមាស់គឺជារូបរាងនៃទឹករំអិលស្អិត ឬស្ងួតនៅជ្រុងភ្នែក និងត្របកភ្នែក។ នេះជាធម្មតាជាសញ្ញានៃការរលាក ឬអាឡាក់ស៊ីនៅក្នុងភ្នែក។ មានមូលហេតុជាច្រើននៃស្ថានភាពនេះ។

សហភាពសហព័ន្ធយុវជនកម្ពុជាខេត្តប៉ៃលិន(សសយក) មានកិត្តិយសសូមគោរពជម្រាបជូនដល់ មាតាបិតា អាណាព្យាបាលសិស្សានុសិស្ស និង់បេក្ខជន ដែលត្រូវប្រឡងសញ្ញាបត្រមធ្យមសិក្សាទុតិយភូមិ ចំណេះដឹងទូទៅ និងបំពេញវិជ្ជា សម័យប្រឡងថ្ងៃទី១០-១១ ខែសីហា ឆ្នាំ២០២៦ ខាងមុខនេះ ឱ្យបានជ្រាប ថា៖ ដោយមានការឧបត្ថម្ភគាំទ្រទាំងស្រុងពី ឯកឧត្តម អ៊ី ឈាន និង លោកជំទាវ បាន ស្រីមុំ ក្នុងការសម្រួលដល់ការស្នាក់នៅ និងអាហារ សម្រាប់សិស្សានុសិស្សដែលមានទីលំនៅឆ្ងាយពីមណ្ឌលប្រឡង និង ការរក្សាយានជំនិះកង់-ម៉ូតូ... របស់បេក្ខជននាពេលខាងមុខនេះ សហភាពសហព័ន្ធយុវជនកម្ពុជាខេត្តប៉ៃលិន បានចូលរួមសហការជាមួយរដ្ឋបាលខេត្តប៉ៃលិន មន្ទីរអប់រំ យុវជន និងកីឡាខេត្ត កងកម្លាំងមានសមត្ថកិច្ច រៀបចំកន្លែងស្នាក់នៅសម្រាប់បេក្ខជនមានទីលំនៅឆ្ងាយពីមណ្ឌលប្រឡង និងកន្លែងធ្វើយានជំនិះកង់-ម៉ូតូ.... ដោយឥតគិតថ្លៃ ជូនដល់បេក្ខជនប្រឡងទាំងអស់។

មន្ត្រីរដ្ឋលេខាធិការដ្ឋានកិច្ចការព្រំដែន៖ ប្រាសាទតាមាន់ធំ ស្ថិតក្នុងទឹកដីកម្ពុជាបើយោងតាមផែនទីមាត្រដ្ឋាន ១/២០០ ០០០ និងកំណត់ហេតុ (PV) បោះបង្គោលរបស់គណៈកម្មការឥណ្ឌូចិន-សៀម ឆ្នាំ១៩០៨ និង ១៩១៩ និងយោងតាមផែនទី L7017 មាត្រដ្ឋាន ១/៥០ ០០០ ដែលថៃគូសដោយឯកតោភាគី។

ប៉ៃលិន៖ ព្រឹកថ្ងៃទី២២ ខែកក្កដា ឆ្នាំ២០២៦ ឯកឧត្តមទេសរដ្ឋមន្ត្រី អ៊ី ឈាន ប្រធានក្រុមការងាររាជរដ្ឋាភិបាលចុះមូលដ្ឋានខេត្តប៉ៃលិន និងលោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន និងថ្នាក់ដឹកនាំ មន្ត្រីរាជការ ព្រមទាំងក្រុមការងារ បានអញ្ជើញនាំយកទេយ្យទានទេយ្យវត្ថុ គ្រឿងឧបភោគ បរិភោគ និងបច្ច័យ ទៅវេរប្រគេនដល់ព្រះសង្ឃ ដែលគង់ចាំព្រះវស្សាអស់កាលត្រីមាសទូទាំងខេត្តប៉ៃលិន ចំនួន ៣៤វត្ត នៅវត្តរតនសោភ័ណ ហៅវត្តកោងកាង ស្ថិតក្នុងភូមិវត្ត សង្កាត់ប៉ៃលិន ក្រុងប៉ៃលិន ខេត្តប៉ៃលិន។

(ភ្នំពេញ)៖ នារសៀលថ្ងៃទី២១ ខែកក្កដា ឆ្នាំ២០២៦នេះ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានអនុញ្ញាតឱ្យលោក ទីវ តារារិទ្ធិ អ្នកជិះកង់ផ្សងព្រេងឯករាជ្យពីកម្ពុជា ចូលជួបសម្តែងការគួរសម និងទទួលការលើកទឹកចិត្ត បន្ទាប់ពីលោកបានបញ្ចប់ដោយជោគជ័យនូវបេសកកម្មជិះកង់ជុំវិញពិភពលោករបស់ខ្លួន។ ជំនួបនេះបានធ្វើឡើងនៅសាលាវាំងឈើ នៃទីស្តីការក្រសួងព័ត៌មាន។

នាព្រឹកថ្ងៃទី ២១ ខែកក្កដា ឆ្នាំ២០២៦ មន្ទីរវប្បធម៌និងវិចិត្រសិល្បះខេត្តប៉ៃលិន បានបើកសិក្ខាសាលាផ្សព្វផ្សាយស្តីពី ការបំផុសស្មារតីចូលរួមការពារបេតិកភណ្ឌវប្បធម៌ជាតិ ក្រោមអធិបតីភាព លោក ព្រហ្ម រដ្ឋា ប្រធានមន្ទីរវប្បធម៌និងវិចិត្រសិល្បះខេត្ត លោក សួន ហ៊ីម ប្រធានក្រុមប្រឹក្សាស្រុក និងលោក សៀ សុខុម អភិបាលស្រុកសាលាក្រៅ ។ ពិធីនេះក៏មានការចូលរួមពីអាជ្ញាធរឃុំនិងប៉ុស្តិ៍ទាំង៤ មន្ទីរជំនាញពាក់ព័ន្ធ ព្រមទាំងលោកមេភូមិ លោកគ្រូ-អ្នកគ្រូ និងសិស្សានុសិស្សជាច្រើននាក់ នៅបរិវេណសាលប្រជុំសាលាស្រុកសាលាក្រៅ។

សម្តេចតេជោ ហ៊ុន សែន៖ " ជាថ្មីម្តងទៀតថ្ងៃនេះខ្ញុំមានចំណាប់អារម្មណ៍ទៅលើអត្ថបទរបស់ លោក Surachart Bamrungsuk អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ ដែលមានចំណងជើងថា «បញ្ហាបញ្ច្រាសមកវិញ សង្គ្រាមក៏បានធ្វើឱ្យរបបដឹកនាំកម្ពុជា កាន់តែរឹងមាំឡើងផងដែរ» ខ្ញុំសូមចូលរួមចែករំលែកនូវអត្ថបទនេះដោយបកប្រែក្រៅផ្លូវការ ដើម្បីជូនប្រជាជននៃប្រទេសទាំងពីរកម្ពុជានិងថៃ បានជ្រាបនិងយល់ដឹងបន្ថែម ដោយ ខ្ញុំសូមមិនមានការធ្វើអត្ថាធិប្បាយ បន្ថែមអ្វីទេទៅលើអត្ថបទរបស់លោក សូមទុកឱ្យប្រជាជនទាំងពីរពិចារណាលើសំណេរដែលមានខ្លឹមសារអត្ថបទរៀបរាប់ទាំងស្រុង"

(ភ្នំពេញ)៖ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន អញ្ជើញជាអធិបតីកិច្ចប្រជុំពិនិត្យ និងពិភាក្សាលើសេចក្តីព្រាងប្រកាសអន្តរក្រសួងរវាងក្រសួងព័ត៌មាន និងក្រសួងប្រៃសណីយ៍ និងទូរគមនាគមន៍ ក្នុងគោលបំណងពង្រឹងការគ្រប់គ្រង ការរៀបចំស្តង់ដាបច្ចេកទេស និងការប្រើប្រាស់ឱ្យកាន់តែមានប្រសិទ្ធភាព ស្របតាមការអភិវឌ្ឍបច្ចេកវិទ្យា និងតម្រូវការជាក់ស្តែង។ ក្នុងកិច្ចប្រជុំនេះ បានធ្វើឡើងនៅរសៀលថ្ងៃទី២១ ខែកក្កដា ឆ្នាំ២០២៦ នាសាលប្រជុំព្រះវិហារទីស្តីការក្រសួង ដោយក្នុងឱកាសកិច្ចប្រជុំ ថ្នាក់ដឹកនាំ និងមន្ត្រីជំនាញនៃក្រសួងព័ត៌មាន បានពិនិត្យលើសេចក្តីព្រាងប្រកាសអន្តរក្រសួងចំនួន ២ រួមមាន៖ ទី១. ប្រកាសអន្តរក្រសួងស្តីពីការគ្រប់គ្រង និងការកំណត់ស្តង់ដាបច្ចេកទេសនៃការប្រើប្រាស់ សម្ភារៈ បរិក្ខារ និងឧបករណ៍ បម្រើឱ្យវិស័យព័ត៌មាន និងសោតទស្សន៍ និងវិស័យ ទូរគមនាគមន៍។

ក្រសួងព័ត៌មាន ណែនាំដល់ម្ចាស់ប្រព័ន្ធផ្សព្វផ្សាយ អ្នកផលិតមាតិកា និងអង្គភាពសារព័ត៌មានទាំងអស់ ចូលរួមផ្សព្វផ្សាយសារអប់រំ អំពីការបង្ការការពារការឆ្លងមេរោគអេដស៍ និងបញ្ជ្រាបការយល់ដឹងពីបញ្ហាគ្រឿងញៀន

ព្រឹកថ្ងៃទី២០ ខែកក្កដា ឆ្នាំ២០២៦ នៅមន្ទីរសុខាភិបាល នៃរដ្ឋបាលខេត្តប៉ៃលិន បានរៀបចំពិធីបើកវគ្គបណ្ដុះបណ្ដាលស្ដីពីការថែទាំសុខភាពភ្នែកបឋម និងប្រេសស្បីត (Presbyopia) ជូនដល់បុគ្គលិកមណ្ឌលសុខភាពនានា ទូទាំងខេត្ត ក្រោមអធិបតីភាពលោក ស្លេះ យូ ប្រធានមន្ទីរសុខាភិបាល នៃរដ្ឋបាលខេត្តប៉ៃលិន និង លោក ហម ពិសិដ្ឋ ប្រធានគម្រោងការថែទាំសុខភាពបឋម និងជាតំណាងអង្គការ Eye Care ក្នុងគោលបំណងបង្កើនចំណេះដឹង និងជំនាញបច្ចេកទេស ដល់បុគ្គលិកមណ្ឌលសុខភាព ក្នុងការពិនិត្យ ស្វែងរក និងផ្តល់ការថែទាំសុខភាពភ្នែកបឋម ជូនប្រជាពលរដ្ឋ នៅតាមសហគមន៍ ឱ្យកាន់តែមានប្រសិទ្ធភាព។