ព័ត៌មានក្នុងខេត្ត

ព្រឹកថ្ងៃទី២៦ ខែមិថុនា ឆ្នាំ២០២៦ លោក សួន ហ៊ីម ប្រធានក្រុមប្រឹក្សាស្រុកសាលាក្រៅ បានរៀបចំវេទិកាផ្សព្វផ្សាយ និង ពិគ្រោះយោបល់របស់ក្រុមប្រឹក្សាស្រុកសាលាក្រៅ សម្រាប់អណត្តិទី៤ ឆ្នាំទី៣ នៅបរិវេណវត្តសាមគ្គីគីរីសំរិទ្ធ (ហៅវត្តសាលាក្រៅ) ដោយមានការចូលរួម អាជ្ញាធរមូលដ្ឋាន មន្រ្តីជំនាញ និងបងប្អូនប្រជាពលរដ្ឋ សរុប ៣៣៥នាក់។ វេទិកាផ្សព្វផ្សាយនេះធ្វើឡើង ដើម្បីផ្សព្វផ្សាយពីសមិទ្ធិផលនានាដែលរដ្ឋបាលស្រុកសម្រេចបាន និងការស្តាប់នូវកង្វល់ និងសំណូមពរនានារបស់ប្រជាពលរដ្ឋ សំរាប់ដាក់ចេញនូវផែនការឆ្នាំបន្ទាប់ និងជំរុញការដោះស្រាយសំណូមពរនានារបស់ប្រជាពលរដ្ឋអោយបានល្អប្រសើ។ វេទិកាធ្វើឡើងដោយមានតំណាងរដ្ឋបាលស្រុកសាលាក្រៅអាននូវរបាយការណ៍ ស្តីពី សមិទ្ធិផលនានា ដែលរដ្ឋបាលស្រុកសាលាក្រៅសម្រេចបាន និងការអនុញ្ញាតិអោយមានប្រជាពលរដ្ឋលើកឡើងពីសំណូមពរ និងកង្វល់របស់ខ្លួន ព្រមទាំងមានមន្រ្តីជំនាញធ្វើការឆ្លើយតប និង ពន្យល់ពីកង្វល់ និងសំណូមពរ ជូនដល់ប្រជាពលរដ្ឋ។

ព្រឹកថ្ងៃទី ២៣ ខែមិថុនា ឆ្នាំ២០២៦ ឯកឧត្តម អ៊ុំ ម៉ារ៉ា រដ្ឋលេខាធិការក្រសួងមហាផ្ទៃតំណាងដ៏ខ្ពង់ខ្ពស់ឯកឧត្តមអភិសន្តិ ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អមដំណើរដោយលោកជំទាវបណ្ឌិត បាន ស្រីមុំ អភិបាលខេត្តប៉ៃលិន បានអញ្ជើញចុះពិនិត្យមើលដោយផ្ទាល់នឹងភ្នែក នូវការផ្តល់សេវាសាធារណៈនានា នៅអង្គភាពភាពច្រក ចេញ-ចូល តែមួយ នៃរដ្ឋបាលខេត្តប៉ៃលិន ដើម្បីស្វែងយល់កាន់តែច្បាស់ពីរបៀបរបប នៃការអនុវត្តការងារនៅក្នុងអង្គភាព និងការជំរុញលើកទឹកចិត្តដល់មន្រ្តីជំនាញ អោយអនុវត្តការងារកាន់តែមានប្រសិទ្ទភាព។

ភ្នំពេញ៖ ឯកឧត្តម កឹម គុណវឌ្ឍន៍ រដ្ឋលេខាធិការក្រសួងព័ត៌មាន បានផ្តល់ការណែនាំដោយផ្ទាល់ ដល់អ្នកគ្រប់គ្រងគេហទំព័រតាមបណ្តាមន្ទីរព័ត៌មានរាជធានី-ខេត្តទាំងអស់ ឱ្យបង្កើនការយកចិត្តទុកដាក់ខ្ពស់ លើចំណុចសំខាន់ពីរ គឺរូបភាព និងខ្លឹមសារអត្ថបទ ដើម្បីបង្កើនភាពទាក់ទាញ និងមានប្រយោជន៍ដល់សាធារណជន។ ការណែនាំនេះធ្វើឡើងនៅថ្ងៃទី២៤ ខែមិថុនា ឆ្នាំ២០២៦ នេះ នៅក្នុងពិធីបិទវគ្គបណ្ដុះបណ្ដាលស្ដីពី «ការសរសេរព័ត៌មានតាមគេហទំព័រ» នៅសាលមណ្ឌលបណ្ដុះបណ្ដាល និងវិក្រិតការវិជ្ជាជីវៈសារព័ត៌មាន នៃទីស្តីការក្រសួងព័ត៌មាន។

តាមរយៈបទបង្ហាញនៅក្នុងវគ្គបណ្តុះបណ្តាល ស្តីពី ការសរសេរព័ត៌មានតាមគេហទំព័រ ដែលបានធ្វើឡើងនៅក្រសួងពើ័ត៌មាន នាព្រឹកថ្ងៃទី២២ ខែមិថុនា ឆ្នាំ២០២៦ ឯកឧត្តម ឆាយ សុផល រដ្ឋលេខាធិការក្រសួងព័ត៌មាន បានណែនាំអោយសិក្ខាកាម ដែលជាមន្រ្តីរាជការមកពីមន្ទីរព័ត៌មានទាំង ២៥រាជធានី/ខេត្ត ត្រូវសរសេរព័ត៌មានបែប “ដំណឹងសាច់” ដែលមានន័យថា ដំណឹងបែបចាប់មុំ ឬការដកស្រង់ប្រសាសន៍សំខាន់ៗរបស់ថ្នាក់ដឹកនាំមកសរសេររំលេច សម្រាប់គេហទំព័ររបស់ខ្ឡួន។ ការសរសេរបែបនេះ គឺដើម្បី ទាក់ទាញចំណាប់អារម្មណ៍អ្នកអាន ដែលមានជម្រើសដ៏ច្រើនក្នុងការទទួលបានព័ត៌មាន។

ការញ៉ាំទឹកផ្លែឈើសុទ្ធត្រឹមមួយកែវ ឬច្រើនជាងនេះជារៀងរាល់ថ្ងៃ អាចធ្វើឲ្យទាំងកុមារ និងមនុស្សពេញវ័យឡើងទម្ងន់ដោយមិនដឹងខ្លួន នេះបើយោងទៅតាមការវិភាគថ្មីមួយទៅលើការសិក្សាទាំង៤២កន្លងមក។ ពិតណាស់ ទឹកផ្លែឈើសុទ្ធ គឺជាប្រភេទទឹកផ្លែឈើដែលមិនបន្ថែមជាតិស្ករ។ ប៉ុន្តែទឹកផ្លែឈើសុទ្ធ ជាប្រភេទកាឡូរីទឹក ដែលមិនមានជាតិសរសៃ ឬមានជាតិសរសៃតិចតួច បើប្រៀបធៀបទៅនឹងផ្លែឈើទាំងមូល។ ដូច្នេះហើយ កុមារដែលមានអាយុក្រោម៦ឆ្នាំ គួរញ៉ាំទឹកផ្លែឈើសុទ្ធតិចជាងមួយកែវក្នុងមួយថ្ងៃ ហើយចំពោះកុមារដែលមានវ័យតិចជាង១ឆ្នាំ គឺមិនគួរញ៉ាំទឹកផ្លែឈើសុទ្ធឡើយ។

នៅព្រឹកថ្ងៃទី២៣ ខែមិថុនា ឆ្នាំ២០២៦ នៅសាលប្រជុំវិទ្យាល័យហ៊ុនសែនក្រុងទេពនិម្មិតប៉ៃលិន បានរៀបចំពិធីសំណេះសំណាល និងបំពាក់កន្សែងយុវជនកាកបាទក្រហមកម្ពុជា ក្រោមអធិបតីភាពលោកជំទាវ ពៅ សុខ អនុប្រធានអចិន្ត្រៃយ៍គណៈកម្មាធិការសាខាកាកបាទក្រហមកម្ពុជាខេត្ត តំណាងដ៏ខ្ពង់ខ្ពស់លោកជំទាវបណ្ឌិត បាន ស្រីមុំ ប្រធានគណៈកម្មាធិការសាខាកាកបាទក្រហមកម្ពុជាខេត្តប៉ៃលិន ព្រមទាំងមានការញ្ជើញចូលរួមពី សមាជិក សមាជិកា គណៈកម្មាធិការសាខា និងអនុសាខាកាកបាទ ក្រហមកម្ពុជា ក្រុង-ស្រុកផងដែរ។

(ប៉ៃលិន)៖ រសៀលថ្ងៃទី២២ ខែមិថុនា ឆ្នាំ២០២៦ នៅវត្តពោធិមារាម ហៅវត្តប៉ាហ៊ី មានរៀបចំពិធីបើកវគ្គសិក្សាព្រះសមថកម្មដ្ឋាន វិបស្សនាសមាទានធុតង្គ ឆ្នាំ២០២៦ ក្រោមអធិបតីភាពលោក សោ សុវណ្ណ អភិបាលរងខេត្ត តំណាងលោកជំទាវបណ្ឌិត បាន ស្រីមុំ អភិបាលខេត្តប៉ៃលិន ព្រះសោភ័ណរតនវេទី អ៊ា សុផន ព្រះមេគណខេត្តប៉ៃលិន ព្រមទាំងមានការនិមន្ត និងអញ្ជើញចូលរួមពីព្រះមន្ត្រីសង្ឃ ព្រះថេរានុត្ថេរៈ ព្រះគ្រូចៅអធិការ ព្រះសង្ឃ លោកជំទាវអគ្គមហាឧបាសិកាពុទ្ធសាសនូបត្ថម្ភ ស៊ុំ ហៀង ,លោក លោកស្រី អាជ្ញាធរគ្រប់លំដាប់ថ្នាក់ ព្រមទាំងពុទ្ធបរិស័ទ និងសិក្ខាកាម យ៉ាងច្រើនកុះករ។

នៅរសៀលថ្ងៃទី២២ ខែមិថុនា ឆ្នាំ២០២៦ គណៈប្រតិភូអន្តរក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ អញ្ជើញចុះពិនិត្យសុពលភាពផ្លូវថែទាំខួប១០០% នៅស្រុកសាលាក្រៅ ដឹកនាំដោយ ឯកឧត្តម អ៊ុន ចន្ថា រដ្ឋលេខាធិការក្រសួងអភិវឌ្ឍន៍ជនបទ និងជាសមាជិកគណៈកម្មាធិការលទ្ធកម្ម (គល) ព្រមទាំងមានការអញ្ជើញចូលរួមពីលោក ហ៊ត ឬទ្ធី ប្រធានមន្ទីរអភិវឌ្ឍន៍ជនបទខេត្តប៉ៃលិន និងមន្ត្រីជំនាញផងដែរ។

ប៉ៃលិន៖ នៅសាលប្រជុំធំសាលាខេត្ត នាព្រឹកថ្ងៃទី២៣ ខែមិថុនា ឆ្នាំ២០២៦ ឯកឧត្តម អ៊ុំ ម៉ារ៉ា រដ្ឋលេខាធិការក្រសួងមហាផ្ទៃ តំណាងដ៏ខ្ពង់ខ្ពស់ឯកឧត្តមអភិសន្តិ ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតីភាពក្នុងពិធីប្រកាសចូលកាន់មុខតំណែងអភិបាលរងខេត្តប៉ៃលិនថ្មី ចំនួន ២រូប ដោយមានការចូលរួមពីសំណាក់ឯកឧត្តម ជា ចាន់ឌិន ប្រធានក្រុមប្រឹក្សាខេត្ត និងលោកជំទាវបណ្ឌិត បាន ស្រីមុំ អភិបាលខេត្តប៉ៃលិន ព្រមទាំងថ្នាក់ដឹកនាំមន្ទីរអង្គភាពស្ថាប័នជុំវិញខេត្តផងដែរ។

រមណីដ្ឋានទឹកធ្លាក់ចម្ការខ្នុរ ឬ គេហៅបយ៉ាខា ជារមណីយដ្ឋានកែច្នៃមួយកន្លែង កំពុងតែល្បីរន្ទឺ ហើយមានភ្ញៀវទេសចរជាតិ និង អន្តរជាតិបានចូលទៅលេងកំសាន្តយ៉ាងច្រើនកុះករ ទាំងខ្មែរ និង បរទេស ។

Omega-3 គឺជាអាស៊ីតខ្លាញ់សំខាន់មួយដ៏សំខាន់សម្រាប់សុខភាព។ Omega-3 មានតួនាទីកាត់បន្ថយការរលាក ធ្វើអោយប្រសើរឡើងនូវសុខភាពសរសៃឈាមបេះដូង និងជួយដល់មុខងារខួរក្បាល។ ប្រភពសំខាន់នៃOmega-3 គឺត្រី និងប្រេងត្រី ប៉ុន្តែបន្លែខ្លះក៏អាចផ្តល់បរិមាណអូមេហ្គា-3 មួយចំនួនផងដែរ។

ប៉ៃលិន៖ មានប្រសាសន៍លើកឡើងក្នុងឱកាសអញ្ជើញដឹកនាំក្រុមការងារចុះពិនិត្យមើល ការបន្តដាំដុះដើមផ្កាក្ងោកបន្ថែមទៀត នៅអបតាមដងផ្លូវនានាក្នុងខេត្ត នារសៀលថ្ងៃទី២០ ខែមិថុនា ឆ្នាំ២០២៦ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន បានថ្លែងឱ្យដឹងថា៖ នៅថ្ងៃអនាគត់ កូនឈើ និងដើមផ្ការាប់ពាន់ដើម នឹងត្រូវបានដាំនៅតាមទីសាធារណៈ និងអមសងខាងផ្លូវទូទាំងខេត្ត ដូច្នេះសូមអំពាវនាវឱ្យមានការ ចូលរួមពីសំណាក់ បងប្អូនប្រជាពលរដ្ឋ និងគ្រប់មជ្ឈដ្ឋានទាំងអស់ រួមគ្នាដុះ និងថែទាំ ដើម្បីលើកកំពស់សោភ័ណភាព និងបង្កើតជា គម្របបរិស្ថានបៃតងក្នុងខេត្ត។