ព័ត៌មានក្នុងខេត្ត

ប៉ៃលិន៖ សាខាកាកបាទក្រហមកម្ពុជាខេត្តប៉ៃលិន បានរៀបចំបើកវគ្គបណ្តុះបណ្តាលស្តីពី «ការអប់រំហានិភ័យគ្រាប់មីន យុទ្ធភ័ណ្ឌមិនទាន់ផ្ទុះ និងប្រតិបត្តិការមនុស្សធម៌ប្រកបដោយសុវត្ថិភាព» រយៈពេល៤ថ្ងៃ ចាប់ពីថ្ងៃទី៣ ដល់ថ្ងៃទី៦ ខែសីហា ឆ្នាំ២០២៦ នៅទីស្នាក់ការសាខាខេត្ត ក្រោមការគាំទ្រថវិកាពីគណៈកម្មាធិការអន្តរជាតិនៃកាកបាទក្រហម (ICRC)។

យុវតីជនជាតិសឹង្ហបូរីបានសុំចេញវិដេអូឃ្លីបពីស្នងការដ្ឋាននគរបាលរាជធានីភ្នំពេញដើម្បីបញ្ជាក់ប្រាប់ដល់ពិភពលោកថាគឺមិនមានជាប់ពាក់ព័ន្ឋនឹងបទល្មើសណាមួយទេ។ គាត់ចូលមកដោយស្ម័គ្រចិត្តនិងស្រឡាញ់ប្រទេសកម្ពុជា(ដោយមិនបានប្រាប់ដំណឹង ឱពុក ម្ដាយគាត់ជាមុន )។ A young Singaporean woman has requested to record a video statement at the Phnom Penh Municipal Police Headquarters to inform the world that she is not involved in any criminal offense. She stated that she came to Cambodia voluntarily because she loves the country. However, she traveled to Cambodia without informing her parents in advance.

រសៀលថ្ងៃទី៣០ ខែកក្កដា ឆ្នាំ២០២៦ លោកជំទាវ បាន ស្រីមុំ អភិបាល នៃគណៈអភិបាលខេត្តប៉ៃលិន និងជាប្រធានគណៈបញ្ជាការ ឯកភាពរដ្ឋបាល ខេត្ត បានដឹកនាំសមត្ថកិច្ចចម្រុះ ចុះពិនិត្យ និងបង្រ្កាបទីតាំង ចំនួន២កន្លែង បន្ថែមទៀត ដែលមានទីតាំងស្ថិតននៅ រីស៊តតំបន់ដាច់ស្រយ៉ាលក្បែរជើងភ្នំ ស្ថិតក្នុងភូមិទួលខៀវ សង្កាត់ប៉ៃលិន និងភូមិខ្លុង សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ដែលសង្ស័យពាក់ព័ន្ធបទល្មើសបច្ចេកវិទ្យា (Online Scam) ព្រមទាំងបានរកឃើញ និងឃាត់ខ្លួនជនបរទេសចំនួន ៤៦នាក់ ស្រី ៧ នាក់ និង សម្ភារៈប្រព្រឹត្តបទល្មើសស្គេមមួយចំនួន ។

ប៉ៃលិន៖ មានប្រសាសន៍លើកឡើងបែបនេះក្នុងពិធីអបអរសាទរទិវាអន្តរជាតិប្រយុទ្ធប្រឆាំងគ្រឿងញៀនក្រោមប្រធានបទ " "រួមគ្នាឆ្លើយតបបញ្ហាគ្រឿងញៀនក្នុងបរិបទថ្មីប្រកបដោយភាពច្នៃប្រឌិត " "ដែលប្រព្រឹត្តទៅថ្ងៃទី២៩ ខែកក្កដា ឆ្នាំ២០២៦ នៅ បវេនវត្តរតនសោភណ្ឌហៅវត្តកោងកាង ដោយមានការអញ្ជើញចូលរួមពីឯកឧត្តម ឧត្តមសេនីយ៍ឯក នាក់ យុទ្ធា អគ្គលេខាធិការរង នៃអគ្គលេខាធិការដ្ឋាន អាជ្ញាធរជាតិប្រយុទ្ធប្រឆាំងគ្រឿងញៀន ព្រះរាជអាជ្ញារង ចៅក្រមសាលាដំបូង ប្រធានអនុប្រធានមន្ទីរអង្គភាពជុំវិញខេត្ត កងកម្លាំងប្រដាប់អាវុធ លោកគ្រូអ្នកគ្រូ សិស្សានុសិស្ស និងយុវជនកាឬទ្ធ យុវជនកាកបាទក្រហមច្រើនកុះករផងដែរ។

ប៉ៃលិន ៖ នៅពន្ធនាគារខេត្តប៉ៃលិន ថ្ងៃទី២៩ ខែក្កដា ឆ្នាំ២០២៦ លោក ឧត្តមអគ្គានុរក្សថ្នាក់លេខ៣ កូវ កឿត ប្រធានពន្ធនាគារខេត្តប៉ៃលិន បានរៀបចំពិធីបើកកិច្ចសវនកម្មផ្ទៃក្នុង សម្រាប់ការិយបរិច្ឆេទ២០២៥ និងបណ្ដាឆ្នាំពាក់ព័ន្ធ ក្រោមអធិបតីភាព ឯកឧត្តម ឧត្តមសេនីយ៍ទោ តាំង សុខហេង អគ្គនាយករង និងជាប្រធានគណៈប្រតិភូសវនកម្មផ្ទៃក្នុង ដោយមានការអញ្ជើញចូលរួមពីក្រុមការងារគណៈប្រតិភូសវនកម្មផ្ទៃក្នុង និងថ្នាក់ដឹកនាំ មន្ត្រីជំនាញពាក់ព័ន្ធរបស់ពន្ធនាគារខេត្តប៉ៃលិន ។

(ភ្នំពេញ)៖ តាមរយៈសំណេរ បង្ហោះតាមហ្វេសប៊ុក ផ្ទាល់ខ្លួននាព្រឹកថ្ងៃទី២៨ កក្កដានេះ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន គូសបញ្ជាក់ថា ក្រោយពីបទឈប់បាញ់ដែលភាគីកម្ពុជា និងថៃបានឯកភាពគ្នា ចូលជាធរមាននៅវេលាម៉ោង ០០:០០ នាទី ថ្ងៃទី២៨ ខែកក្កដា ឆ្នាំ២០២៥ ប្រជាជនកម្ពុជា និងកងកម្លាំងជួរមុខសង្ឃឹមថា ការបង្ហូរឈាមនឹងត្រូវបញ្ចប់ ហើយសន្តិភាពនឹងចាប់ផ្តើមវិលត្រឡប់មកវិញ។ ប៉ុន្តែ នៅព្រឹកថ្ងៃដដែលនោះ មានការរាយការណ៍ថា ទាហានថៃបានចូលមកស្នើចាប់ដៃជាមួយទាហានកម្ពុជា បង្កើតបរិយាកាសដូចជាការផ្សះផ្សា និងការបញ្ចប់ការប្រឈមមុខដាក់គ្នា។ បន្ទាប់ពីនោះ ភាគីថៃបានធ្វើការលោមព័ទ្ធ និងចាប់ខ្លួនយោធិនកម្ពុជាតែម្តង។

ប៉ៃលិន៖ នៅក្នុងពិធីបិទវគ្គបណ្តុះបណ្តាលស្តីពី «ភាពជាអ្នកដឹកនាំ» នាព្រឹកថ្ងៃទី២៤ ខែកក្កដា ឆ្នាំ២០២៦ នេះ លោក សោ សុវណ្ណ អភិបាលរងនៃគណៈអភិបាលខេត្តប៉ៃលិន បានផ្តល់អនុសាសន៍ និងណែនាំយ៉ាងម៉ឺងម៉ាត់ដល់មន្ត្រីរាជការ នៃរដ្ឋបាលខេត្ត រដ្ឋបាលក្រុង ស្រុក ត្រូវយកចិត្តទុកដាក់ខ្ពស់លើការចូលរួមអនុវត្តគោលនយោបាយ «ភូមិ-ឃុំ-សង្កាត់មានសុវត្ថិភាព» របស់រាជរដ្ឋាភិបាលឱ្យកាន់តែមានប្រសិទ្ធភាពទ្វេឡើង។ ពិធីនេះបានប្រព្រឹត្តទៅនៅសាលប្រជុំអគារ «គ» សាលាខេត្តប៉ៃលិន ដោយមានការអញ្ជើញចូលរួមពីសំណាក់មន្ត្រីរាជការ រដ្ឋបាលខេត្ត រដ្ឋបាលក្រុង ស្រុក និងភាគីពាក់ព័ន្ធសរុបចំនួន ៥៧នាក់។

ព្រឹកថ្ងៃទី២៣ ខែកក្កដា ឆ្នាំ២០២៦ ពន្ធនាគារខេត្តប៉ៃលិន បានរៀបចំទទួលទណ្ឌិតសរុបចំនួន ១៥០ នាក់ (ស្រី ០៥ នាក់) ដែលត្រូវបានផ្ទេរមកពីពន្ធនាគារខេត្តបាត់ដំបង ដើម្បីបន្តការឃុំខ្លួននៅក្នុងពន្ធនាគារខេត្តប៉ៃលិន ។ ការផ្ទេរទណ្ឌិតនាពេលនេះ គឺបានធ្វើឡើងតាមចំណារឯកភាពដ៏ខ្ពង់ខ្ពស់របស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ចុះថ្ងៃទី១៣ ខែកក្កដា ឆ្នាំ២០២៦។

(ភ្នំពេញ)៖ នារសៀលថ្ងៃទី២១ ខែកក្កដា ឆ្នាំ២០២៦នេះ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានអនុញ្ញាតឱ្យលោក ទីវ តារារិទ្ធិ អ្នកជិះកង់ផ្សងព្រេងឯករាជ្យពីកម្ពុជា ចូលជួបសម្តែងការគួរសម និងទទួលការលើកទឹកចិត្ត បន្ទាប់ពីលោកបានបញ្ចប់ដោយជោគជ័យនូវបេសកកម្មជិះកង់ជុំវិញពិភពលោករបស់ខ្លួន។ ជំនួបនេះបានធ្វើឡើងនៅសាលាវាំងឈើ នៃទីស្តីការក្រសួងព័ត៌មាន។

នារសៀល ថ្ងៃទី២០ ខែកក្កដា ឆ្នាំ២០២៦ មន្រ្តីរាជការ នៃមន្ទីរព័ត៌មានខេត្តប៉ៃលិន ដែលមានសរុបចំនួន ៣៦នាក់ បានទទួលការបណ្តុះបណ្តាល ស្តីពី ការប្រើប្រាស់កម្មវិធី DG SuperApp ពីមន្រ្តីជំនាញ នៃមន្ទីរប្រៃសណី និងទូរគមនាគមន៍ខេត្តប៉ៃលិន ដើម្បីអោយមន្រ្តីព័ត៌មានចូលរួមប្រើប្រាស់ និងបន្តផ្សព្វផ្សាយអោយប្រជាជន មហាជនបានប្រើប្រាស់កម្មវិធីនេះ ដែលជាកម្មវិធីរបស់រដ្ឋាភិបាលកម្ពុជា។

នៅមន្ទីរព័ត៌មានខេត្តប៉ៃលិន នារសៀលថ្ងៃទី២០ ខែកក្កដា ឆ្នាំ២០២៦ លោក គង់ ជឺ អនុប្រធានមន្ទីរព័ត៌មានខេត្តប៉ៃលិន បានដឹកនាំលោក-លោកស្រីប្រធាន-អនុប្រធានការិយាល័យ ព្រមទាំងមន្ត្រីរាជការ នៃមន្ទីរព័ត៌មានខេត្ត ចូលរួមស្តាប់ការផ្សព្វផ្សាយ និងធ្វើបទបង្ហាញអំពី «ការប្រើប្រាស់កម្មវិធី DG SuperApp» ព្រមទាំងការស្វែងយល់ ពីបច្ចេកវិទ្យាឌីជីថលផ្សេងៗ ដែលរៀបចំផ្សព្វផ្សាយដោយក្រុមការងារមន្ទីរប្រៃសណីយ៍និងទូរគមនាគមន៍ខេត្តប៉ៃលិន ដឹកនាំដោយលោក ស៊ុំ សំរេច ប្រធានការិយាល័យបច្ចេកវិទ្យាគមនាគមន៍ព័ត៌មាន នៃមន្ទីរប្រៃសណីយ៍និងទូរគមនាគមន៍ខេត្តប៉ៃលិន ។

នៅក្នុងកិច្ចប្រជុំតម្រង់ទិសស្តីពី ការងារព័ត៌មាន និងសាធារណមតិ ជូនដល់មន្ត្រីរាជការ នៃមន្ទីរព័ត៌មានខេត្តប៉ៃលិន នារសៀលថ្ងៃ ទី១៦ ខែកក្កដា ឆ្នាំ២០២៦ ឯកឧត្តម ទេព អស្នារិទ្ធ អនុរដ្ឋលេខាធិការ និងអ្នកនាំពាក្យក្រសួងព័ត៌មាន បានជំរុញឱ្យមន្ទីរព័ត៌មានខេត្តប៉ៃលិន ត្រូវពង្រឹងកិច្ចសហការ និងមានទំនាក់ទំនងល្អជាមួយអ្នកសារព័ត៌មាន និងអង្គភាពពាក់ព័ន្ធ ក្នុងមូលដ្ឋានខ្លួន ដើម្បីក្លាយជាបង្អែកដ៏រឹងមាំ ក្នុងការផ្តល់ព័ត៌មានពិត និងប្រកបដោយទំនុកចិត្ត លើកកម្ពស់ការផ្សព្វផ្សាយព័ត៌មាន ដោយគុណភាពវិជ្ជាជីវៈ ជាពិសេសពាក់ព័ន្ធកិច្ចការសន្តិសុខជាតិ។ ឯកឧត្តម អ្នកនាំពាក្យក្រសួងព័ត៌មាន មានប្រសាសន៍លើកឡើងថា កិច្ចសហការ គួរធ្វើឡើងជាប្រចាំ និងតាមគ្រប់លទ្ធភាព ដើម្បីគាំទ្រដល់តម្រូវការសារព័ត៌មាន ជួយសម្រួលដល់ការអនុវត្តការងាររបស់អ្នកសារព័ត៌មាន អាចចុះយកព័ត៌មាន និងការផ្តល់ព័ត៌មានទាន់ពេល និងគ្រប់ជ្រុងជ្រោយ នឹងជួយអ្នកសារព័ត៌មាន ពីការផ្សាយខុសឆ្គង ដែលអាចនាំឱ្យមានប្រតិកម្ម ឬបញ្ហាផ្លូវច្បាប់។