ព័ត៌មានក្នុងខេត្ត

(ភ្នំពេញ)៖ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន អញ្ជើញជាអធិបតីកិច្ចប្រជុំពិនិត្យ និងពិភាក្សាលើសេចក្តីព្រាងប្រកាសអន្តរក្រសួងរវាងក្រសួងព័ត៌មាន និងក្រសួងប្រៃសណីយ៍ និងទូរគមនាគមន៍ ក្នុងគោលបំណងពង្រឹងការគ្រប់គ្រង ការរៀបចំស្តង់ដាបច្ចេកទេស និងការប្រើប្រាស់ឱ្យកាន់តែមានប្រសិទ្ធភាព ស្របតាមការអភិវឌ្ឍបច្ចេកវិទ្យា និងតម្រូវការជាក់ស្តែង។ ក្នុងកិច្ចប្រជុំនេះ បានធ្វើឡើងនៅរសៀលថ្ងៃទី២១ ខែកក្កដា ឆ្នាំ២០២៦ នាសាលប្រជុំព្រះវិហារទីស្តីការក្រសួង ដោយក្នុងឱកាសកិច្ចប្រជុំ ថ្នាក់ដឹកនាំ និងមន្ត្រីជំនាញនៃក្រសួងព័ត៌មាន បានពិនិត្យលើសេចក្តីព្រាងប្រកាសអន្តរក្រសួងចំនួន ២ រួមមាន៖ ទី១. ប្រកាសអន្តរក្រសួងស្តីពីការគ្រប់គ្រង និងការកំណត់ស្តង់ដាបច្ចេកទេសនៃការប្រើប្រាស់ សម្ភារៈ បរិក្ខារ និងឧបករណ៍ បម្រើឱ្យវិស័យព័ត៌មាន និងសោតទស្សន៍ និងវិស័យ ទូរគមនាគមន៍។

ក្រសួងព័ត៌មាន ណែនាំដល់ម្ចាស់ប្រព័ន្ធផ្សព្វផ្សាយ អ្នកផលិតមាតិកា និងអង្គភាពសារព័ត៌មានទាំងអស់ ចូលរួមផ្សព្វផ្សាយសារអប់រំ អំពីការបង្ការការពារការឆ្លងមេរោគអេដស៍ និងបញ្ជ្រាបការយល់ដឹងពីបញ្ហាគ្រឿងញៀន

ព្រឹកថ្ងៃទី២០ ខែកក្កដា ឆ្នាំ២០២៦ នៅមន្ទីរសុខាភិបាល នៃរដ្ឋបាលខេត្តប៉ៃលិន បានរៀបចំពិធីបើកវគ្គបណ្ដុះបណ្ដាលស្ដីពីការថែទាំសុខភាពភ្នែកបឋម និងប្រេសស្បីត (Presbyopia) ជូនដល់បុគ្គលិកមណ្ឌលសុខភាពនានា ទូទាំងខេត្ត ក្រោមអធិបតីភាពលោក ស្លេះ យូ ប្រធានមន្ទីរសុខាភិបាល នៃរដ្ឋបាលខេត្តប៉ៃលិន និង លោក ហម ពិសិដ្ឋ ប្រធានគម្រោងការថែទាំសុខភាពបឋម និងជាតំណាងអង្គការ Eye Care ក្នុងគោលបំណងបង្កើនចំណេះដឹង និងជំនាញបច្ចេកទេស ដល់បុគ្គលិកមណ្ឌលសុខភាព ក្នុងការពិនិត្យ ស្វែងរក និងផ្តល់ការថែទាំសុខភាពភ្នែកបឋម ជូនប្រជាពលរដ្ឋ នៅតាមសហគមន៍ ឱ្យកាន់តែមានប្រសិទ្ធភាព។

នារសៀល ថ្ងៃទី២០ ខែកក្កដា ឆ្នាំ២០២៦ មន្រ្តីរាជការ នៃមន្ទីរព័ត៌មានខេត្តប៉ៃលិន ដែលមានសរុបចំនួន ៣៦នាក់ បានទទួលការបណ្តុះបណ្តាល ស្តីពី ការប្រើប្រាស់កម្មវិធី DG SuperApp ពីមន្រ្តីជំនាញ នៃមន្ទីរប្រៃសណី និងទូរគមនាគមន៍ខេត្តប៉ៃលិន ដើម្បីអោយមន្រ្តីព័ត៌មានចូលរួមប្រើប្រាស់ និងបន្តផ្សព្វផ្សាយអោយប្រជាជន មហាជនបានប្រើប្រាស់កម្មវិធីនេះ ដែលជាកម្មវិធីរបស់រដ្ឋាភិបាលកម្ពុជា។

នៅមន្ទីរព័ត៌មានខេត្តប៉ៃលិន នារសៀលថ្ងៃទី២០ ខែកក្កដា ឆ្នាំ២០២៦ លោក គង់ ជឺ អនុប្រធានមន្ទីរព័ត៌មានខេត្តប៉ៃលិន បានដឹកនាំលោក-លោកស្រីប្រធាន-អនុប្រធានការិយាល័យ ព្រមទាំងមន្ត្រីរាជការ នៃមន្ទីរព័ត៌មានខេត្ត ចូលរួមស្តាប់ការផ្សព្វផ្សាយ និងធ្វើបទបង្ហាញអំពី «ការប្រើប្រាស់កម្មវិធី DG SuperApp» ព្រមទាំងការស្វែងយល់ ពីបច្ចេកវិទ្យាឌីជីថលផ្សេងៗ ដែលរៀបចំផ្សព្វផ្សាយដោយក្រុមការងារមន្ទីរប្រៃសណីយ៍និងទូរគមនាគមន៍ខេត្តប៉ៃលិន ដឹកនាំដោយលោក ស៊ុំ សំរេច ប្រធានការិយាល័យបច្ចេកវិទ្យាគមនាគមន៍ព័ត៌មាន នៃមន្ទីរប្រៃសណីយ៍និងទូរគមនាគមន៍ខេត្តប៉ៃលិន ។

មនុស្សចាស់តែងតែជួបប្រទះបញ្ហាភ្លេចភ្លាំងច្រើន ដែលនោះជាច្បាប់ធម្មជាតិ ព្រោះកោសិកាខួរក្បាលបានថមថយចុះទៅតាមវ័យ។ វេជ្ជបណ្ឌិត ហ៊ាង រតនា ឲ្យដឹងថាជំងឺភ្លេចភ្លាំងមានច្រើនប្រភេទ តែចំពោះមនុស្សចាស់ភាគច្រើនភ្លេចភ្លាំងដែលមានឈ្មោះពាក្យបច្ចេកទេសហៅថា Alzhermers Disease ហើយអ្នកដែលមានវ័យចាប់ពី ៧០ ដល់ ៨៥ ឆ្នាំ មានប្រហែលជា ៦%។

ក្រសួងពាណិជ្ជកម្ម | សេចក្តីជូនដំណឹង ស្តីពី ថ្លៃលក់រាយប្រេងឥន្ធនៈនៅតាមស្ថានីយសម្រាប់ការអនុវត្តជារៀងរាល់សប្ដាហ៍ចាប់ពីវេលាម៉ោង១រសៀល ថ្ងៃទី២១ ខែកក្កដា ឆ្នាំ២០២៦ រហូតដល់ថ្ងៃទី២៨ ខែកក្កដា ឆ្នាំ២០២៦ -ប្រេងសាំង ៤ ៣០០រៀល/លីត្រ -ប្រេងម៉ាស៊ូត ៤ ៩៥០រៀល/លីត្រ

ភ្នំពេញ៖ នៅថ្ងៃទី១៩ ខែកក្កដា ឆ្នាំ២០២៦ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងឯកឧត្តម អ៊ូអិណុ អាត់ស៊ូស៊ី ឯកអគ្គរាជទូតជប៉ុនប្រចាំកម្ពុជា បានចុះហត្ថលេខាលើគម្រោងជំនួយសន្តិសុខផ្លូវការ (OSA) ក្នុងទឹកប្រាក់ ៥០០លានយ៉េន (ប្រមាណ ៣លានដុល្លារអាម៉េរិក)។

លោកឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេសថៃ បានអះអាងនៅទីក្រុងប៉េកាំង ក្នុង សប្តាហ៍នេះថា ការដែលកម្ពុជាសម្រេចចិត្តដំណើរការយន្តការផ្សះផ្សាដោយបង្ខំ ក្រោមអនុសញ្ញាអង្គការ សហប្រជាជាតិស្តីពីនីតិសមុទ្រ (UNCLOS) បាន "បិទទ្វារ" ចំពោះការចរចាលើព្រំដែនគោក។ នេះមិន មែនជាការពិតទាល់តែសោះ។ ព្រំដែនសមុទ្រ និងព្រំដែនគោកត្រូវបានគ្រប់គ្រងដោយក្របខ័ណ្ឌច្បាប់ផ្សេងគ្នា និងយន្តការ ទ្វេភាគីផ្សេងគ្នា។ កម្ពុជាជ្រើសរើសផ្លូវដោះស្រាយតាម UNCLOS គឺពាក់ព័ន្ធនឹងបញ្ហាព្រំដែនសមុទ្រតែ មួយគត់។

ក្រសួងព័ត៌មាន សូមជម្រាបជូន ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី ជ្រាបថា កន្លងមក ម្ចាស់ប្រព័ន្ធផ្សព្វផ្សាយ អ្នកផលិតមាតិកា និងអង្គភាព សារព័ត៌មានទាំងអស់ បានយកចិត្តទុកដាក់ ខិតខំប្រឹងប្រែង និងចូលរួមសហការយ៉ាងសកម្មក្នុងការផ្សព្វផ្សាយ សារអប់រំនានាពាក់ព័ន្ធនឹងបញ្ហាសុខភាព បញ្ហាគ្រឿងញៀន និងការបង្ការ ទប់ស្កាត់បញ្ហាផ្សេងទៀតក្នុងសង្គម ដើម្បីបញ្ជាបការយល់ដឹងដល់សាធារណជនគ្រប់មជ្ឈដ្ឋានឱ្យបានកាន់តែទូលំទូលាយ។

ប៉ៃលិន៖ ថ្ងៃទី២០ ខែកក្កដា ឆ្នាំ២០២៦ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន និងជាប្រធានគណៈបញ្ជាការឯកភាពរដ្ឋបាលខេត្ត បានដឹកនាំកិច្ចប្រជុំពិនិត្យអំពីវឌ្ឍនភាពការងារយុទ្ធនាការទប់ស្កាត់សកម្មភាពឆបោកតាមប្រព័ន្ធ បច្ចេកវិទ្យា (Online Scams) នៅក្នុងមូលដ្ឋានក្រុង/ស្រុក និងឃុំ/សង្កាត់ ដើម្បីថែរក្សាសន្តិសុខ សណ្តាប់ធ្នាប់ជូនប្រជាពលរដ្ឋ។

ប៉ៃលិន៖ មានប្រសាសន៍ក្នុងកិច្ចប្រជុំផ្សព្វផ្សាយ និងតម្រង់ទិសការងារព័ត៌មាន និងសាធារណមតិ ជូនដល់ថ្នាក់ដឹកនាំ និងមន្ត្រីរាជការ នៃមន្ទីរព័ត៌មានខេត្តប៉ៃលិន នាពេលកន្លងទៅ ឯកឧត្តម ជា លីសែ អនុរដ្ឋលេខាធិការក្រសួងព័ត៌មាន ទទួលបន្ទុកមន្ទីរព័ត៌មានខេត្តប៉ៃលិន បានណែនាំអោយថ្នាក់ដឹកនាំ និងមន្រ្តីរាជការ នៃមន្ទីរព័ត៌មានខេត្តប៉ៃលិន យកចិត្តទុកដាក់លើការផលិតមាតិកាព័ត៌មាន ដោយផ្តោតលើការងារ និងសតិអារម្មណ៍របស់យុវជន ព្រោះយុវជន គឺជាកម្លាំងស្នូលនៅក្នុងសង្គម និងងាយទទួលរងនូវឥទ្ធិពលព័ត៌មានអវិជ្ជមាន ឬព័ត៌មានក្លែងក្លាយ បោកបញ្ឆោត ដែលអាចនឹងពង្វក់ស្មារតីរបស់យុវជនយើង។